युरोपियन युनियन राजदूत लोरेन्जो र नेपालगञ्जका प्रमुख विष्टबीच भेटवार्ता - बागेश्वरी पोस्ट :: Bageshwori Post

prabhat

सोमबार, असार ९, २०८२ युनिकोड पुरानो वेबसाइट

समाचार

गृहपृष्ठ
समाचार
युरोपियन युनियन राजदूत लोरेन्जो र नेपालगञ्जका प्रमुख विष्टबीच भेटवार्ता

युरोपियन युनियन राजदूत लोरेन्जो र नेपालगञ्जका प्रमुख विष्टबीच भेटवार्ता

बिहीबार, फागुन १५, २०८१ बागेश्वरी पोस्ट

नेपालगञ्ज । नेपालका लागि युरोपियन युनियनका राजदूत भेरोनिक लोरेन्जो र नेपालगञ्ज उपमहानगरपालिकाका प्रमुख प्रशान्त विष्टबीच भेटवार्ता भएको छ । आज भएको भेटवार्ताका क्रममा राजदुत लोरेन्जो र नगर प्रमुख विष्टबीच नेपालगञ्ज उपमहानगरपालिकाको समग्र अवस्था र विपद व्यवस्थापनका क्षेत्रमा आगामी दिनमा गर्न सकिने सहकार्यका सम्बन्धमा कुराकानी भएको छ ।

May be an image of 15 people

nepalgunj 081-082

राजदुत लोरेन्जोले त्यसअघि नेपालगञ्जमा सञ्चालित विपद व्यवस्थापन कार्य लगायत अन्य विषयमा नेपालगञ्जका जनप्रतिनिधि, स्थानीय समुदाय, नेपालगञ्ज उद्योग बाणिज्य संघका प्रतिनिधिसंग छलफल गरेकी थिइन् । नेपालगञ्ज उद्योग बाणिज्य संघका प्रतिनिधिहरुसंगको भेटमा समग्र अर्थतन्त्र र सुधारका विषयमा छलफल भएको अध्यक्ष टंक बहादुर धामीले बताए । राजदुत लोरेन्जोले आगलागी र भूकम्प केन्द्रित घटना अभ्यासहरुको अवलोकन समेत गरेकी थिइन् ।

May be an image of 7 people, people studying and text

लोरेन्जोले एकलैनीस्थित मुसाफिर खानामा ग्याँस सिलिण्डरको आगो नियन्त्रण गर्ने तरिका बारेको घटना अभ्यास तथा रानीतलाउस्थित महेन्द्र माविमा विद्यार्थीहरुले गरेको भूकम्पमा आधारित घटना अभ्यासको अवलोकन गरेको आपतकालीन कार्यसञ्चालन केन्द्रका सूचना व्यवस्थापन अधिकृत रुपन ज्ञवालीले बताए । यस्तै साँघुरा गल्लीमा दमकलको पहुँच पुर्याउन वडा नम्बर ३ र ७ मा लाइन विस्तार समेत गरेको र उक्त कार्यको पनि उनले अवलोकन गरेकी थिइन् ।

May be an image of 17 people, temple and text that says 'N BHERI GAS'

युरोपियन यूनियनको सहयोगमा नेपालगञ्ज उपमहारगरपालिकामा सहरी विपद् तथा भूकम्पीय पूर्व तयारी परियोजना (सुपर) सञ्चालनमा रहेको छ । युरोपियन युनियनको आर्थिक सहयोग तथा युएनडिपी, युनिसेफ, युएन ओमन र एचआईको साझेदारी एवम् सिडिएम नेपालको प्राविधिक सहयोगमा नेपालगञ्ज उपमहानगरपालिकामा सञ्चालित सहरी विपद् तथा भूकम्पीय पूर्व तयारी परियोजना (सुपर) ले विपद पूर्व तयारी र प्रतिकार्यका लागि काम गरिरहेको छ ।

May be an image of 13 people and temple May be an image of 5 people and text May be an image of 8 people, fire and temple May be an image of 8 people and text

प्रकाशित मिति: बिहीबार, फागुन १५, २०८१ २१:१४

प्रतिक्रिया दिनुहोस्

आम निर्वाचन-२०७९

आज मध्यरातदेखि उपनिर्वाचनको मौन अवधि

आज मध्यरातदेखि उपनिर्वाचनको मौन अवधि बागेश्वरी पोस्ट

मन्त्री र उम्मेदवार छान्न कांग्रेसको केन्द्रीय कार्यसम्पादन समिति बैठक बस्दै

मन्त्री र उम्मेदवार छान्न कांग्रेसको केन्द्रीय कार्यसम्पादन समिति बैठक बस्दै बागेश्वरी पोस्ट

उप–चुनावमा भाग लिन दल दर्ताका लागि दिएको समय आज सकिँदै

उप–चुनावमा भाग लिन दल दर्ताका लागि दिएको समय आज सकिँदै बागेश्वरी पोस्ट