जलवायु न्याय सम्बन्धि सचेतनामूलक ¥याली र नाटक प्रदर्शन

समाचार

गृहपृष्ठ
समाचार
जलवायु न्याय सम्बन्धि सचेतनामूलक ¥याली र नाटक प्रदर्शन

जलवायु न्याय सम्बन्धि सचेतनामूलक ¥याली र नाटक प्रदर्शन

आइतबार, फागुन १८, २०८१ बागेश्वरी पोस्ट

नेपालगञ्ज । जलवायु न्याय क्लबको अगुवाईमा कोहलपुरको लक्ष्मी माबिमा जलवायु न्याय सम्बन्धि सचेतनामूलक ¥याली र नाटक प्रदर्शन गरिएको छ । रुम टु रिडको आर्थिक तथा प्राविधिक सहयोगमा बास नेपालद्वारा सञ्चालित बालिका शिक्षा कार्यक्रम अन्तरगत उक्त ¥याली र नाटक प्रदर्शन गरिएको हो । जलवायु परिवर्तनले पारेको असर तथा जलवायु परिवर्तनमा खेल्नुपर्ने भूमिकाका बिषयमा आम नागरिकहरुलाई जानकारी गराउने उद्देश्यले उक्त सचेतनामूलक कार्यक्रम गरिएको हो ।

बिद्यालय प्रांगणबाट शुरु भएको ¥याली बर्दहवा गाँउ, सुर्खेतरोड, गोर्खा स्कुल हुँदै बिद्यालयमा गएर समापन गरिएको थियो । ¥यालीको क्रममा बिद्यार्थीहरुले 'स्वस्थ वायु स्वस्थ जीवन, पृथ्वीको संरक्षण दिगो प्रकृतिमैत्री जीवनयापन', 'प्लाष्टिकजन्य प्रदूषण निर्मूल पारौं, वातावरणमैत्री विकल्पको उपयोग गरौं,' 'रुख रोपौं बातावरण संरक्षणमा टेवा पुर्याऔं', 'जलवायु न्याय हामी सबैको सरोकार', 'इन्धनको प्रयोग कम गरौं, पानीका मुहानको संरक्षण गरौं, पानी जागाऔं', 'रासायनिक मलको सट्टा प्रांगारिक मल प्रयोग गरौं' लगायत नारा अंकित प्लेकार्ड र नारासहित ¥याली निकालिएको थियो । सयौं बिद्यार्थीहरु नारासहित सडकमा उत्रिएपछि आम नागरिकहरुले घरघरको छत तथा सडक छेउँबाट उक्त ¥यालीको अवलोकन गरिरहेका थिए । ¥यालीमा शिक्षक, बिद्यार्थी, अभिभावक र स्थानीयहरुको सहभागिता रहेको थियो ।
यसैगरी सचेतनामूलक ¥याली पश्चात बिद्यालयमा बिद्यार्थी, शिक्षक, अभिभावक लगायतको उपस्थितिमा नाटक प्रदर्शन गरिएको थियो । कार्यक्रममा बिद्यालयका प्रधानाध्यापक जय बहादुर बिष्ट, बास नेपालका केन्द्रीय कोषाध्यक्ष कल्पना अधिकारी, शिक्षक, अभिभावक र बिद्यार्थीहरुको उपस्थिति रहेको थियो । कार्यक्रमको अन्त्यमा सहभागी सबैले जलवायु न्यायमा कार्य गर्ने भन्दै ९ बुँदे साझा प्रतिबद्धतामा हस्ताक्षर गरेका थिए ।

प्रकाशित मिति: आइतबार, फागुन १८, २०८१ २१:३४

प्रतिक्रिया दिनुहोस्