अन्तर्राष्ट्रिय नारी दिवसको अवसरमा कृष्णसार विशेष संवाद

समाचार

गृहपृष्ठ
समाचार
अन्तर्राष्ट्रिय नारी दिवसको अवसरमा कृष्णसार विशेष संवाद

अन्तर्राष्ट्रिय नारी दिवसको अवसरमा कृष्णसार विशेष संवाद

शुक्रबार, फागुन २३, २०८१ बागेश्वरी पोस्ट

नेपालगञ्ज । ११५औं अन्तर्राष्ट्रिय नारी दिवसको अवसरमा कृष्णसार विशेष संवाद आज नेपालगञ्जमा सम्पन्न भएको छ । “सबै महिला र बालिकाहरुको लागि अधिकार समानता र सशक्तिकरण” भन्ने नाराका साथ मनाउन लागिएको दिवसका अवसरमा रेडियो कृष्णसार एफएममा उक्त संवाद सम्पन्न भएको हो । रेडियो कृष्णसार एफएम र सामाजिक क्षेत्रबाट माइती नेपालले यो कार्यक्रमको सहजीकरण गरेका हुन् ।

संवादमा महिला र छोरीहरुको अधिकार, भोगिरहेका समस्या, समस्या समाधानका उपाय र बेचविखनमा परिरहेका महिला र छोरीहरुको कसरी संरक्षण गर्न सकिन्छ र आगामी दिनमा वेचविखनका घटना नहुन् भन्नका लागि सरोकारवालाहरुको भूमिकामाथि चर्चा गरिएको कृष्णसार विशेष संवाद कार्यक्रमका प्रस्तोता सावित्री गिरीले बताइन् ।कार्यक्रममा जवाफदेही वक्ताका रुपमा जिल्ला प्रहरी कार्यालय बाँकेका प्रहरी नायब उपरीक्षक दिपक पातली, नेपालगञ्ज उपमहानगरपालिका महिला, बालबालिका तथा जेष्ठ नागरिक शाखा प्रमुख पवित्रा कुमारी पुरी र माइती नेपाल नेपालगञ्जका प्रमुख केशब कोइराला रहेका थिए । कार्यक्रमका मुख्य बक्ताहरुले सामूहिक प्रतिबद्धता गर्दै महिला तथा बालिकाहरुको अधिकारका लागि योजना निर्माण, अनुगमन तथा कार्यान्वयनमा निरन्तर रहने प्रतिवद्धता ब्यक्त गरेका छन् ।

समाजमा घट्ने कतिपय घटनाहरु पीडितले आफ्नो इज्जत, डर, प्रतिष्ठा र धम्कीको कारण लुकाईछिपाई राखी सार्वजनिक गर्न नसकेको माइती नेपाल नेपालगञ्जका प्रमुख कोइरालाले बताए । सार्वजनिक भएका कतिपय घटनाहरुमा वास्तविक अनुसन्धान नहुनु र दोषी पनि जमानत तथा धरौटीमा छुट्नु समस्याका रुपमा रहेको नेपालगञ्ज उपमहानगरपालिका महिला, बालबालिका तथा जेष्ठ नागरिक शाखा प्रमुख पुरीले बताइन् । जिल्ला प्रहरी कार्यालय बाँकेका प्रहरी नायव उपरीक्षक पातलीले महिला तथा बालिकामाथि हुने हिंसा कम गर्नका लागि समन्वयात्मक रुपमा लागिपर्नु पर्ने बताए । कार्यक्रममा महिला र बालिकाहरुले भोगिरहेका समस्या, समस्या समाधानका उपाय र वेचविखनमा परिरहेका महिला र छोरीहरुको कसरी संरक्षण गर्न सकिन्छ र आगामी दिनमा वेचविखनका घटना नहुन् भन्नका लागि सरोकारवालाहरुको भूमिकामाथि चर्चा गरिएको थियो ।

प्रकाशित मिति: शुक्रबार, फागुन २३, २०८१ १७:५२

प्रतिक्रिया दिनुहोस्