मूल्यनिष्ठ समाजकाे निर्माणमा नारीको याेगदानकाे चर्चा

समाचार

गृहपृष्ठ
समाचार
मूल्यनिष्ठ समाजकाे निर्माणमा नारीको याेगदानकाे चर्चा

मूल्यनिष्ठ समाजकाे निर्माणमा नारीको याेगदानकाे चर्चा

आइतबार, फागुन २५, २०८१ बागेश्वरी पोस्ट

नेपालगन्ज । ब्रह्माकुमारी ईश्वरीय विश्वविद्यालय एवं राजयोग प्रशिक्षण केन्द्र नेपाल क्षेत्रीय कार्यालय नेपालगन्जले ८ मार्च अन्तर्राष्ट्रीय नारी दिवसको उपलक्ष्यमा "मूल्यनिष्ठ समाज निर्माणका लागि नारीकाे याेगदान" विषयक उत्प्रेरणा एवं स्नेह मिलन कार्यक्रम सम्पन्न गरेकाे छ । संस्थाका गुलरिया शाखा प्रमुख ब्रह्माकुमारी गीताकाे अध्यक्षता, लुम्बिनी प्रदेश सभा सदस्य अम्बिका काफ्लेकाे प्रमुख आतिथ्यता तथा केन्द्रीय उपाध्यक्ष एवं क्षेत्रीय प्रमुख राजयोगिनी ब्रह्माकुमारी दुर्गाको विशिष्ट आतिथ्यतामा कार्यक्रम सम्पन्न भएको हो ।

कार्यक्रममा नेपालगन्ज उपमहानगरपालिका महिला तथा बालबालिका शाखा प्रमुख पवित्रा पुरी, राष्ट्रिय मानव अधिकार आयाेग नेपालगन्ज प्रमुख द्वारिका अधिकारी, एम.पी. स्कुलका प्राचार्य सन्ध्या गुप्ता, नेपाल घरेलुु तथा साना उद्योग महासंघका नगर कमिटी अध्यक्ष दिला शाह, नील सागर सेवाश्रमका अध्यक्ष सरिता खनाल, नेपालगन्जका पूर्व उपमेयर उमा थापा मगर, फस्ट लायन लेडी एवं नेपाल मुद्रण व्यवसायी महासंघका केन्द्रीय उपाध्यक्ष मीना ढकाल, राप्रपा नेतृ एवं महिला उद्यमी विन्दु चर्ती मगर, यशाेधरा बौद्ध महिला संघका अध्यक्ष सुदर्शना शाक्य, पुर्ण तारा फाउन्डेसन नेपालका अध्यक्ष तारा राेकाया, पत्रकार अक्षरी पाेखरेल, रिटर्नी नेपालका केन्द्रीय उपाध्यक्ष हीरा खराल, मानव अधिकारकर्मी सरस्वती मल्ल, भूमि आयाेग बाँकेका सदस्य तलत प्रविन खाँ लगायतको उपस्थिति रहेको थियो ।

ब्रह्मकुमारी राधिकाले स्वागत गरेको कार्यक्रममा बाल कलाकारहरु ब्रह्मकुमारी संगीता, कुमारी खुशी, कुमारी प्रियंका पाैडेलले नारी शक्ति सचेतना सम्बन्धि विभिन्न नृत्यहरु प्रस्तुत गरेका थिए भने संस्थाका क्षेत्रीय कार्यालय नेपालगन्जका क्षेत्रीय उपप्रमुख तथा मोटिभेशनल एण्ड राजयोग प्रशिक्षिका ब्रह्माकुमारी मुनाले संचालन सहजीकरण गरेकी थिइन् ।

कार्यक्रममा राजयोगिनी ब्रह्माकुमारी दुर्गाले आशिर्वचन दिँदै मूल्यनिष्ठ समाज निर्माणका लागि नारीकाे याेगदानबारे चर्चा गरिन् ।

प्रकाशित मिति: आइतबार, फागुन २५, २०८१ १५:४२

प्रतिक्रिया दिनुहोस्