नेपालगन्जमा कुम्हार र कसगर समुदायलाई माटोको भाँडा बनाउने अत्याधुनिक मेसिन

समाचार

गृहपृष्ठ
समाचार
नेपालगन्जमा कुम्हार र कसगर समुदायलाई माटोको भाँडा बनाउने अत्याधुनिक मेसिन

नेपालगन्जमा कुम्हार र कसगर समुदायलाई माटोको भाँडा बनाउने अत्याधुनिक मेसिन

आइतबार, फागुन २५, २०८१ बागेश्वरी पोस्ट

नेपालगन्ज । नेपालगन्ज उपमहानगरपालिकाले कुम्हार तथा कसगर समुदायलाई माटोको भाँडा बनाउने अत्याधुनिक मेसिन वितरण गरेको छ । पुर्ख्यौलीरुपमा माटोको भाँडा बनाउँदै आएको कुम्हार तथा कसगर समुदायलाई नगर प्रमुख प्रशान्त विष्ट, उपप्रमुख कमरुद्दिन राई, प्रमुख प्रशासकीय अधिकृत ओम बहादुर खड्काले १८ जनालाई माटोको भाँडा बनाउने अत्याधुनिक मेसिन हस्तान्तरण गरेका हुन् ।

परम्परागत पेशाको संरक्षण गर्दै जिविकोपार्जनमा सहजीकरण गर्ने उद्देश्यले अत्याधुनिक मेसिन प्रदान गरिएको नगर प्रमुख विष्टले बताए । 'यही पेशाले जीवन धानिरहनुभएको समुदायलाई पेशामा टिकाइराख्न तथा उहाँहरुलाई समय वचतसंगै मनग्य आम्दानी गर्न सजिलो होस् भन्ने उद्देश्यले मेसिन दिएका छौं,' विष्टले भने-'यसले पक्कै उहाँहरुलाई सहज हुनेछ ।'

यी मेसिनबाट जुनसुकै प्रकारका माटोको भाँडा बनाउन सकिन्छ । करीब ५० हजार लागतमा भारतको राजस्थानस्थित जयपुरबाट मेसिनहरु खरिद गरेर ल्याइएको नेपालगन्ज उपमहानगरपालिकाले जनाएको छ । भाँडा बनाउने मेसिन पाएपछि कुम्हार र कसगर समुदाय खुसी भएका छन् ।

प्रकाशित मिति: आइतबार, फागुन २५, २०८१ १७:११

प्रतिक्रिया दिनुहोस्