मानव सेवा आश्रमको भवन शिलान्यास

समाचार

गृहपृष्ठ
समाचार
मानव सेवा आश्रमको भवन शिलान्यास

मानव सेवा आश्रमको भवन शिलान्यास

सोमबार, फागुन २६, २०८१ बागेश्वरी पोस्ट

नेपालगञ्ज । सहयोगापेक्षी (अशक्त, असहाय, अभिभावकविहिन मानसिक तथा शारिरीक रुपमा कमजोर) सडक आश्रित मानवहरुको आश्रयस्थल मानव सेवा आश्रम (मानवता प्रवर्द्धन महाअभियान) लुम्बिनी प्रदेश बाँके शाखाको भवन शिलान्यास गरिएको छ । डुडुवा–६ असमानपुरमा पाँच करोडको लागतमा अत्याधुनिक दुई तले आश्रय भवन निर्माण हुन लागेको हो । लुम्बिनी प्रदेश सरकार आन्तरिक मामिला तथा कानुन मन्त्री आदेश कमार अग्रवालले विहान भवनको विधिवत शिलान्यास गरेका हुन् ।

जयन्दु बाल सुधार गृहका लागि चार विघा, १२ कठ्ठा जग्गा दान दिएका दानवीर जइकेस सिंहले मानव सेवा आश्रमका लागि पनि दुई वर्ष अघि १० कठ्ठा जग्गा दान गरेपछि सो क्षेत्रफलमा आश्रम बन्न लागेको हो । मन्त्री अग्रवालले मानवीय सहयोगार्थ निर्मित आश्रय भवनका लागि प्रदेश सरकार सहयोग गर्न प्रतिबद्ध रहेको विश्वास दिलाए । मन्त्री अग्रवालले मानव सेवा आश्रमको सेवा कार्य उत्कृष्ट रहेको भन्दै भवन निर्माण कार्य अघि बढाइए सहयोगी हातहरु पनि जुटदै जाने विश्वास व्यक्त गरे ।

समारोहमा जग्गा दाता सिंहले दान दिएर आफूले खुसी र पुण्य कमाएको महसुस भइरहेको भन्दै सबैमा सहयोगको अपिल गरे । आश्रम अभिभावक परिवारकी सहसंयोजक एवं नेपालगञ्ज उपमहानगरपालिका निबर्तमान उपप्रमुख उमा थापा मगर, मानव सेवा आश्रम भैतिक विकास प्रबद्र्धन समितिका संयोजक विष्णु मैनाली, प्रबद्र्धन परिवारका सदस्य कृष्ण प्रसाद श्रेष्ठ, डुडुवा वडा नम्बर ६ का वडा अध्यक्ष मोहनराम मिश्र, फत्तेबाल आँखा अस्पालका प्रवन्ध निर्देशक डा. कौशल कुमार बर्मा, दाता समाजसेवी सुशिला शर्मा लगायतले शुभकामना मन्तव्य व्यक्त गरेका थिए ।

अब बन्ने अत्याधुनिक भवनमा करीब सय जनालाइ आश्रय दिन सकिने आश्रम शाखा प्रमुख उर्विन सापकोटाले जानकारी दिए । आश्रमका महासचिव सुशिला केसीद्वारा सञ्चालित शिलान्यास कार्यक्रममा विशिष्ट व्यक्तित्व, दाता, समाजसेवीको उपस्थिति रहेको थियो । मानवता प्रवर्द्धन महाअभियान अन्तर्गत २०८२ मा देशभरबाट मानवमुक्त सडक घोषणा गरिनेछ ।

प्रकाशित मिति: सोमबार, फागुन २६, २०८१ १३:५३

प्रतिक्रिया दिनुहोस्