प्रधानमन्त्री केपी शर्मा ओली शिक्षण अस्पतालबाट डिस्चार्ज

राजनीति

गृहपृष्ठ
राजनीति
प्रधानमन्त्री केपी शर्मा ओली शिक्षण अस्पतालबाट डिस्चार्ज

प्रधानमन्त्री केपी शर्मा ओली शिक्षण अस्पतालबाट डिस्चार्ज

बालुवाटारमै विशेष सुविधासम्पन्न शैय्या निर्माण गरेर त्यहीँ हेरचाह गरिने

शुक्रबार, फागुन ३०, २०७६ बागेश्वरी पोस्ट

काठमाडौं । प्रधानमन्त्री केपी शर्मा ओलीलाई शिक्षण अस्पतालबाट डिस्चार्ज गरिएको छ । उनलाई शुक्रबार साँझ ६:३० बजे डिस्चार्ज गरिएको हो ।

प्रम ओलीलाई डिस्चार्ज गरी प्रधानमन्त्रीको सरकारी निवास बालुवाटार लगिएको उनका प्रेस सल्लाहकार सूर्य थापाले जानकारी दिए ।

उनी दोस्रोपटक मृगौला प्रत्यारोपणका लागि फागुन १९ गते शिक्षण अस्पताल भर्ना भएका थिए । फागुन २१ गते सफलतापूर्वक मृगौला प्रत्यारोपण गरिएपछि उनी अस्पतालमै बसेर स्वास्थ्य लाभ गरिरहेका थिए ।

प्रम ओलीलाई बालुवाटारमै विशेष सुविधासम्पन्न शैय्या निर्माण गरेर त्यहीँ हेरचाह गरिने बताइएको छ । उपचारमा संलग्न चिकित्सकहरुका अनुसार उनी समय समयमा फलोअपका लागि अस्पताल जानुपर्नेछ ।

बालुवाटारमा पनि उनी चिकित्सकहरुको निगरानीमै रहने प्रधानमन्त्रीका निजी चितित्सक प्रा. डा. दिव्यासिंह शाहले जानकारी दिएकी छिन् ।

प्रकाशित मिति: शुक्रबार, फागुन ३०, २०७६ १९:४९

प्रतिक्रिया दिनुहोस्