स्वास्थ्य मन्त्री पौडेल नेपालगन्ज आउँदै

राजनीति

गृहपृष्ठ
राजनीति
स्वास्थ्य मन्त्री पौडेल नेपालगन्ज आउँदै

स्वास्थ्य मन्त्री पौडेल नेपालगन्ज आउँदै

शुक्रबार, चैत ८, २०८१ बागेश्वरी पोस्ट

नेपालगन्ज । स्वास्थ्य तथा जनसंख्या मन्त्री प्रदीप पौडेल आज नेपालगन्ज आउँदैछन् । नेपाल चिकित्सक संघ भेरी शाखाको आयोजनामा नेपालगन्जमा आयोजना गरिएको प्रातःकालीन हिँडाई अर्थात वाकाथनमा सहभागी हुन उनी बेलुका नेपालगन्ज आउन लागेका हुन् ।

‘स्वास्थ्यका लागि प्रातःकालीन हिँडाई’ भन्ने मूल नारासहित भोलि शनिवार नेपालगन्जमा वाकाथन हुन लागेको कार्यक्रम संयोजक डा. किशोर खत्रीले जानकारी दिए ।

विहान साढे ६ बजे गणेशमान चोक नजिकै रहेको नेपाल चिकित्सक संघ, भेरी शाखाबाट सुरु हुने वाकाथन विरेन्द्र चोक पुगेर पुनः गणेशमान चोकमा आएर समापन हुने उनले बताए ।

‘स्वास्थ्य सचेतना विस्तार गर्ने तथा नेपालगन्जको पर्यटकीय स्थलहरुको प्रबर्द्धन गर्ने र आम नेपाली दाजुभाई, दिदिवहिनीहरुलाई एकताको मालामा गाँस्ने उद्देश्यले वाकाथनको आयोजना गरिएको हो’–उनले भने । बालरोग विशेषज्ञ डा. खत्री वाकाथानलाई अभियानकै रुपमा लिएर हिंडेका छन् ।

नेपाली काँग्रेसका केन्द्रीय सदस्य समेत रहेका मन्त्री पौडेलले भोलि विहान साढे ८ बजे पार्टी कार्यालयमा कार्यकर्तासँग पनि भेटभाट गर्ने कार्यक्रम रहेको काँग्रेस बाँकेका सभापति नारायण प्रसाद गौडेलले जानकारी दिए ।

प्रकाशित मिति: शुक्रबार, चैत ८, २०८१ ०८:५३

प्रतिक्रिया दिनुहोस्