बाँकेका सुरक्षा प्रमुखहरुद्वारा जमुनाहमा रहेको कोरोना डेस्कको निरीक्षण

समाचार

गृहपृष्ठ
समाचार
बाँकेका सुरक्षा प्रमुखहरुद्वारा जमुनाहमा रहेको कोरोना डेस्कको निरीक्षण

बाँकेका सुरक्षा प्रमुखहरुद्वारा जमुनाहमा रहेको कोरोना डेस्कको निरीक्षण

शनिबार, चैत १, २०७६ बागेश्वरी पोस्ट

नेपालगन्ज ।बाँकेका सुरक्षा प्रमुखहरुले नेपाल भारत सिमा जमुनाहमा रहेको कोरोना हेल्थ डेस्कको अनुगमन गरेका छन् ।

बाँकेका प्रमुख जिल्ला अधिकारी कुमारबहादुर खड्का तथा जिल्ला प्रहरी कार्यालय बाँकेका प्रमुख प्रहरी उपरीक्षक बिरबहादुर ओली लगाएतको टोलीले शनिबार बिहान हेल्थ डेस्कको अनुगमन गरेको हो।

अनुगमनका क्रममा प्रमुख जिल्ला अधिकारी खड्काले कोहि त्यस्तो शंकास्पद व्यक्ती पाइएमा तुरुन्त भेरी अस्पताल पठाउनका लागि एम्बुलेन्सको व्यवस्था गरेको जानकारी दिए । ‘हामीले बाँके जिल्ला भित्र रहेका सम्पुर्ण एम्बुलेन्स संचालक संघ संस्थाहरुसँग एम्बुलेन्स सेवाका लागि कुरा गरेका छौँ, प्रत्येक दिन पालैपालो एउटा एम्बुलेन्स यहाँ स्ट्याण्डवाई हुन्छ र आजपनि आइसकेको छ’ प्रजिअ खड्काले भने ।

अनुगमनकै क्रममा नेपालगन्ज उपमहानगरपालिकाका प्रमुख प्रशासकिय अधिकृत हरी प्याकुरेलले यात्रुहरुको चेकजाँच गर्ने तथा नाम तथा संख्याको रेकर्ड राखेको नदेखिएपछी हेल्थ डेस्कका स्वास्थ्यकर्मीलाई सबैको दुरुस्त रेकर्ड राख्न निर्देशन दिएका थिए ।

अनुगमनमा डिभिजन वन कार्यालयका डिभिजनल वन अधिकृत मोहन श्रेष्ठ, शसस्त्र प्रहरी वल राजश्व तथा भन्सार गस्ती नम्बर ४० गुल्मका प्रमुख शसस्त्र प्रहरी नायब उपरीक्षक नबराज बोहरा लगायतको उपस्थिति रहेको थियो । बिश्वमा कोरोना भाइरसको प्रभाव बढिरहेको अवस्थामा नेपाल पनि उच्च जोखिममा रहेसँगै नेपालगन्ज उपमहानगरपालिका स्वास्थ्य शाखाले भारत तथा भारत भएर नेपाल भित्रीने तेश्रो मुलुकका यात्रुहरुको स्वास्थ्य चेकजाँच गर्ने उद्देश्यले बिगत केही दिनदेखी जमुनाह नाकामा हेल्थ डेस्कको स्थापना गरेको हो ।

प्रकाशित मिति: शनिबार, चैत १, २०७६ १७:११

प्रतिक्रिया दिनुहोस्