भोलि इदको सार्वजनिक बिदा

समाचार

गृहपृष्ठ
समाचार
भोलि इदको सार्वजनिक बिदा

भोलि इदको सार्वजनिक बिदा

आइतबार, चैत १७, २०८१ बागेश्वरी पोस्ट

नेपालगञ्ज । सरकारले भोलि इदको सार्वजनिक बिदा दिने भएको छ । मुस्लिम समुदायको चाड इद उल फितरको अवसरमा बिदा दिने निर्णय भएको गृह मन्त्रालयले जनाएको छ ।

इद उल फितर मुस्लिम समुदायको महत्वपूर्ण चाड मध्ये एक हो । यो चाड इस्लामिक पात्रो अनुसार नवौँ महिना रमजानभर गरिएको उपवास (रोजा) को समापनमा मनाइन्छ ।

रोजाको दौरान मुस्लिम धर्मावलम्बीहरूले सूर्योदयदेखि सूर्यास्तसम्म भोजन, पानी तथा अन्य भौतिक सुख–सुविधाबाट टाढा रहन्छन् । नेपालमा मुस्लिम समुदायले इद विशेष हर्षोल्लासका साथ मनाउँछन् । मुस्लिम समुदायको बाक्लो बसोबास रहेको बाँकेमा धुमधामका साथ इद मनाइन्छ ।