कात्तिक १८ गतेदेखि अनसन बस्ने डा. केसीको चेतावनी

राजनीति

गृहपृष्ठ
राजनीति
कात्तिक १८ गतेदेखि अनसन बस्ने डा. केसीको चेतावनी

कात्तिक १८ गतेदेखि अनसन बस्ने डा. केसीको चेतावनी

शुक्रबार, कात्तिक ८, २०७६ बागेश्वरी पोस्ट

काठमाडौँ । भर्खरै आफू कार्यरत रहेको त्रिवि शिक्षण अस्पतालबाट अवकाश प्राप्त डाक्टर गोविन्द केसीले यही कात्तिक १८ गतेदेखि अनसन बस्ने चेतावनी दिएका छन् ।

यसअघि विभिन्न माग राखी अनसन बस्ने गरेका डाक्टर केसीले वीरगंजस्थित नेशनल मेडिकल कलेजमा विद्यार्थीहरूले गरेको आन्दोलनलाई दमन गर्न गुण्डा प्रयोग गरेको आरोप लगाए ।

विद्यार्थीमाथि भएको सांघातिक हमला बन्द गर्नुपर्ने र सरकारले दिएको समयसीमाभित्र बढी असुलिएको शुल्क फिर्ता गर्नुपर्ने भन्दै डाक्टर केसीले यदि यस्तो नभए आफू पुनः अनसन बस्ने चेतावनी दिएका हुन् ।

शुक्रवार एक विज्ञप्ति जारी गर्दै डाक्टर केसीले भने, 'सरकारले दिएको समयसीमाभित्र अवैध रुपमा असुलिएको शुल्क फिर्ता नगर्ने सबै मेडिकल कलेजका सञ्चालकहरुलाई तत्काल फौजदारी कसुरअन्तर्गत पक्राउ र कारवाही गर्न जोडदार माग गर्दर्छौं ।'

उनले यदि आफ्नो माग पुरा नगरिएको खण्डमा दशौं अर्बको ठगीको प्रमुख दोषी सरकार नै हुने चेतावनी दिए ।

प्रकाशित मिति: शुक्रबार, कात्तिक ८, २०७६ १४:१४

प्रतिक्रिया दिनुहोस्