२० बुँदे घोषणापत्र जारी गर्दै सकियो 'लोमान्थाङ अन्तर्राष्ट्रिय मिडिया समिट'

समाचार

गृहपृष्ठ
समाचार
२० बुँदे घोषणापत्र जारी गर्दै सकियो 'लोमान्थाङ अन्तर्राष्ट्रिय मिडिया समिट'

२० बुँदे घोषणापत्र जारी गर्दै सकियो 'लोमान्थाङ अन्तर्राष्ट्रिय मिडिया समिट'

बुधबार, वैशाख ३१, २०८२ बागेश्वरी पोस्ट

नेपालगञ्ज । नेपाल प्रेस युनियनको आयोजनामा भएको ‘लोमान्थाङ अन्तर्राष्ट्रिय मिडिया सम्मेलन २०२५’ तीन मुख्य विषय लोकतन्त्र, प्रेस स्वतन्त्रता र जलवायु संकटमा केन्द्रित भई २० बुँदे घोषणापत्र जारी गर्दै सम्पन्न भएको छ । वैशाख २७ गते शनिबार काठमाडौंमा उपराष्ट्रपति रामसहाय प्रसाद यादवले उद्घाटन गरेर सुरु भएको सम्मेलन पोखरा हुँदै लोमान्थाङमा पुगेर मङ्गलबार सकिएको हो ।

प्रेस युनियनका अध्यक्ष शिव लम्सालले भने, ‘‘लोकतन्त्र, प्रेस स्वतन्त्रता र जलवायु परिवर्तन मुख्य तीन विषयमा केन्द्रित भएर सम्मेलन आयोजना गरिएको र यसले १९ बुँदे लोमान्थाङ घोषणापत्र जारी गरेको छ ।’’ लोकतन्त्र विकासको अपरिहार्य आधार भएकाले राजनीतिक दलहरू, पत्रकारिता र नागरिक समाजबीचको सहकार्यले लोकतन्त्रलाई प्रभावकारी बनाउन मद्दत पुर्‍याउँछ भन्दै अध्यक्ष लम्सालले स्थानीय मिडिया प्रणालीलाई सुदृढ बनाउन र लोकतन्त्र तथा प्रेस स्वतन्त्रताको रक्षा गर्न आवश्यक रहेको बताए ।

घोषणापत्रमा दक्षिण एशियाली राष्ट्रहरूमा डिजिटल स्पेस नियमनको नाममा प्रेस स्वतन्त्रतामाथि बढ्दो आक्रमणको प्रतिकार गर्न आवश्यक भएको उल्लेख छ । घोषणापत्रले लोकतन्त्रको सुदृढीकरण, प्रेस स्वतन्त्रताको रक्षा, जलवायु संकटको सामना र मुस्ताङ–लोमान्थाङको संरक्षणमा जोड दिएको जानकारी पनि अध्यक्ष लम्सालले दिए ।

घोषणा–पत्र जारी गर्न आयोजित कार्यक्रममाा लोमान्थाङ गाउँपालिका अध्यक्ष टासी नोर्वु गुरुङले राजनीति नीतिगत अस्पष्टताका कारण हिमाली जिल्ला जलवायु परिवर्तनको मारमा परेको बताए ।

सो अवसरमा राष्ट्रिय समाचार समिति (रासस) का कार्यकारी अध्यक्ष एवं नेपाल पत्रकार महासङ्घका पूर्व अध्यक्ष धर्मेन्द्र झा, महासङ्घका पूर्व अध्यक्षहरू तारानाथ दाहाल, हरिहर विरही लगायत वरिष्ठ पत्रकारहरूको उपस्थिति रहेको थियो ।

प्रकाशित मिति: बुधबार, वैशाख ३१, २०८२ १४:१८

प्रतिक्रिया दिनुहोस्