गणतन्त्र दिवसको अवसरमा काँग्रेस बाँकेले नेपालगञ्जमा रक्तदान कार्यक्रम गर्ने

राजनीति

गृहपृष्ठ
राजनीति
गणतन्त्र दिवसको अवसरमा काँग्रेस बाँकेले नेपालगञ्जमा रक्तदान कार्यक्रम गर्ने

गणतन्त्र दिवसको अवसरमा काँग्रेस बाँकेले नेपालगञ्जमा रक्तदान कार्यक्रम गर्ने

क्षेत्रीय सम्मेलनमा सहभागी हुन काँग्रेस महामन्त्री थापा नेपालगञ्ज आउँदै

मंगलबार, जेठ १३, २०८२ बागेश्वरी पोस्ट

नेपालगञ्ज । गणतन्त्र दिवस २०८२ का अवसरमा पर्सि बिहिवार नेपाली काँग्रेस बाँकेले मानवीय कार्यक्रम गर्ने जनाएको छ । पार्टी सभापति नारायाण गौडेलका अनुसार पर्सि बिहिवार नेपाली काँग्रेसले रक्तदानका लागि पार्टीका कार्यकर्तालाई आव्हान गरेको छ । उक्त दिन नेपालगञ्जको भेरी अस्पतालस्थित रक्तसंचार केन्द्रमा सभापति गौडेलसहित पार्टीका अन्य नेता कार्यकर्ताहरुले रक्तदान गर्नुहुनेछ ।

क्षेत्रीय सम्मेलनमा सहभागी हुन काँग्रेस महामन्त्री थापा नेपालगञ्ज आउँदै

नेपालगञ्जमा नेपाली काँग्रेसका महामन्त्री गगन थापा आउने भएका छन् । उनी यही जेठ २० गते नेपालगञ्जमा हुने नेपाली काँग्रेस बाँके क्षेत्र नं. २ को क्षेत्रीय सम्मेलनमा प्रमुख अतिथिका रुपमा सहभागी हुने क्षेत्रीय सभापति रमेश कुमार गुप्ताले बताए । सम्मेलनमा महामन्त्री थापासंगै लुम्बिनी प्रदेश सभापति अमर सिंह पुन लगायतका नेताहरु पनि सहभागी हुने बताइएको छ ।

क्षेत्रीय सभापति गुप्ताका अनुसार क्षेत्रीय सम्मेलनमा विभिन्न विषयमा कार्यपत्र तथा आर्थिक प्रतिवेदन प्रस्तुत हुनेछन् । सम्मेलनको बन्दसत्रमा ४७० जना प्रतिनिधिको सहभागिता रहने छ भने उद्घाटन सत्रमा करिब एक हजार बढीको सहभाािगता हुनेछ ।