भैरहवाको युनिभर्सल मेडिकल कलेजमा बिरामीको मृत्यु,अस्पतालमा तनाब

समाचार

गृहपृष्ठ
समाचार
भैरहवाको युनिभर्सल मेडिकल कलेजमा बिरामीको मृत्यु,अस्पतालमा तनाब

भैरहवाको युनिभर्सल मेडिकल कलेजमा बिरामीको मृत्यु,अस्पतालमा तनाब

सोमबार, चैत ३, २०७६ बागेश्वरी पोस्ट

बुटवल । युनिभर्सल मेडिकल कलेज भैरहवामा एक जना बिरामीको मृत्यु पश्चात् तनाव उत्पन्न भएको छ ।

नवलपरासी बर्दघाट नगरपालिका २ बाट दाँतको उपचारका लागि आएकी यमकुमारी पुनको अस्पतालले लापरबाही गरेकै कारण मृत्यु भएको भन्दै उनका आफन्तजनले चिकित्सकमाथि समेत हातपात प्रयास गरेका छन् ।

अस्पतालमा प्रहरी र बिरामीका आफन्तबीच धकेलाधकेल भएको छ । मृतकका देवर धर्मबहादुर पुनले दातको उपचार गर्दा भाउजुले अकालमै ज्यान गएको बताए । अस्पतालमा विवाद भएपछि बाक्लो संख्यामा परिचालित प्रहरीले उनीहरुलाई अस्पताल गेटबाहिर पुर्‍याएको छ ।

अहिले जिल्ला प्रहरी कार्यालयबाट ७० जना सुरक्षाकर्मी परिचालन गरिएको जिल्ला प्रहरी कार्यालय रुपन्देहीका प्रवक्ता तथा डीएसपी खड्कबहादुर खत्रीले बताए । अस्पताल व्यवस्थापक कमल ढकालले आक्रमणबाट चिकित्सकसहित २० जनाभन्दा बढी घाइते भएको बताएको छ । मृतकको शव परिवारजनले बुझिसकेको अस्पतालले जानकारी दिएको छ।

प्रकाशित मिति: सोमबार, चैत ३, २०७६ १५:४५

प्रतिक्रिया दिनुहोस्