नेपालगञ्जकी मोनिकालाई ‘मिनि मिस ग्लाम इन्टरनेशनल २०२५’ को उपाधि

राजनीति

गृहपृष्ठ
राजनीति
नेपालगञ्जकी मोनिकालाई ‘मिनि मिस ग्लाम इन्टरनेशनल २०२५’ को उपाधि

नेपालगञ्जकी मोनिकालाई ‘मिनि मिस ग्लाम इन्टरनेशनल २०२५’ को उपाधि

आइतबार, जेठ १८, २०८२ बागेश्वरी पोस्ट

नेपालगञ्ज । नेपालगञ्जकी मोनिका कठायतले फिलिपिन्समा ‘मिनि मिस ग्लाम इन्टरनेशनल २०२५’ को उपाधि जितेकी छन् । नेपालगञ्ज उपमहानगरपालिका १३ बस्ने कडायतले मे २४ देखि २९ गतेसम्म फिलिपिन्सको मेनिलामा सञ्चालन भएको सौन्दर्य प्रतियोगिता ‘लिटिल एण्ड टिन ग्लाम इन्टरनेसनल २०२५’ अन्तर्गत उक्त सब-टाइटल जितेकी हुन् । मोनिका नेपालगञ्जस्थित आदर्श माध्यमिक विद्यालय कक्षा ७ मा अध्ययनरत छिन् ।

उपाधि चुमेर नेपालगञ्ज फर्केपछि उनले देशको झण्डा विश्वसामु फर्फराउन पाउँदा निकै खुशी भएको बताइन् । यो सफलताले अन्य प्रतियोगिताहरूमा समेत प्रतिष्पर्धा गर्ने आत्मबल र हौसला मिलेको उनको भनाई छ । उनीसँगै नेपालबाट प्रतियोगितामा सहभागिता जनाएका अन्य तीन जनाले समेत विभिन्न टाइटल उपाधि जितेका छन् । अग्रिमा कुँवरले ‘लिटिल मिस ग्लाम युनिभर्सल २०२५’ को उपाधि जितेकी छन् ।

त्यस्तै नेपालकै मिरिञ्जा गाहाले ‘सब टाइटल र मेडल थ्री मिस टिन ग्लाम वर्ल्ड २०२५’ र अभिनव न्यौपानेले ‘सब टाइटल र मेडल–थ्री मिस्टर जुनियर ग्लाम युनिभर्सल–२०२५’ उपाधि जितेका छन् । ‘लिटिल एण्ड टिन ग्लाम इन्टरनेसनल–२०२५’ विश्वकै ठूलो बालबालिका र किशोरी सौन्दर्य प्रतियोगिता हो । जसमा तीन वटा बालिका उपश्रेणी र दुई वटा किशोरी उपश्रेणी छन् । प्रतियोगितामा ट्यालेन्ट एण्ड गाला नाइट राउण्ड, नेसनल कस्टम राउण्ड, स्विमिङ कस्टम रिसोर्ट वेयर राउण्ड, फेशन शो, फर्मल लङ्ग इभिनिङ्ग ग्रोन स्पोर्टस राउण्ड र इन्ट्रोडक्शन राउण्ड समावेश थियो । प्रतियोगितामा विभिन्न देशका ७० बढी प्रतिष्पर्धीले सहभागिता जनाएका थिए ।

प्रकाशित मिति: आइतबार, जेठ १८, २०८२ ११:३४