बाँकेमा सडक लेन अनुशासन सुरु

समाचार

गृहपृष्ठ
समाचार
बाँकेमा सडक लेन अनुशासन सुरु

बाँकेमा सडक लेन अनुशासन सुरु

मंगलबार, चैत ४, २०७६ बागेश्वरी पोस्ट

नेपालगन्ज ।सवारी दुर्घटना न्यूनिकरणका लागि जिल्ला ट्राफिक प्रहरी बाँकेले लेन अनुशासन सम्बन्धि कार्यक्रमको सुरुवात थालेको छ।

बाँकेमा लेन सम्बन्धि कार्यक्रम भने पहिलो हो।बाँके ट्राफिक प्रहरीले सवारी चालकहरुलाई सडकमै बोलाएर लेन अनुशासन बारेमा जानकारी दिन सुरु गरेको छ।

एक हप्ता सम्म चालकहरुलाई लेन अनुशासनको ज्ञान दिने बाँके ट्राफिक प्रहरी प्रमुख प्रहरी निरीक्षक पबिन्द्र बमले बताए। लेन अनुशासन सम्बन्धि जानकारी दिएको केही दिनसम्म सवारी चालकहरुले त्यसको पालना नगरेमा उनीहरुलाई केही दिनसम्म सम्झाई बुझाई गर्ने तर पुनः अटेरी गरेमा कारबाहीको सुरुवात गर्ने प्रहरी निरीक्षक बमले भने।

सुरुवाती दिनहरुमा यो नियम लागू गराउन गाह्रो भएता पनि चालकहरुलाई लेन सम्बन्धि राम्रो तरिकाले जानकारी दिएकाले सबैले यसको पालना गर्ने बिश्वास लिएको बमले भने।बाँके ट्राफिकले दुर्घटना न्यूनिकरण गर्न हरदिन प्रशिक्षण लगायत सवारी चालकहरुलाई विभिन्न समयमा स्वास्थ्य चेक जाँच समेत गर्दै आएको छ।

त्यस्तै बाँके ट्राफिकले अटोरिक्सालाई समेत कारबाही गर्दै आएको छ। बाँके ट्राफिकका अनुसार कागजपत्र नभएका ५० भन्दा बढी अटोरिक्सालाई कारबाहीमा परिसकेका छन् ।

प्रकाशित मिति: मंगलबार, चैत ४, २०७६ ०७:१३

प्रतिक्रिया दिनुहोस्