प्रभु साह भन्छन्ः 'भिजिट भिसा प्रकरणमा गृहमन्त्री षड्यन्त्रको शिकार बनेका छन्'

राजनीति

गृहपृष्ठ
राजनीति
प्रभु साह भन्छन्ः 'भिजिट भिसा प्रकरणमा गृहमन्त्री षड्यन्त्रको शिकार बनेका छन्'

प्रभु साह भन्छन्ः 'भिजिट भिसा प्रकरणमा गृहमन्त्री षड्यन्त्रको शिकार बनेका छन्'

बुधबार, जेठ २१, २०८२ बागेश्वरी पोस्ट

नेपालगञ्ज । आम जनता पार्टी (आजपा) का अध्यक्ष तथा पूर्व मन्त्री प्रभु साहले भिजिट भिसा प्रकरणमा प्रधानमन्त्री केपी शर्मा ओलीको षड्यन्त्रको शिकार गृहमन्त्री रमेश लेखक भएको दाबी गरेका छन् ।

‘दलतन्त्रको भण्डाफोर गरौं, गणतन्त्रको दिशामा अघि बढौं’ भन्ने मूल नाराका साथ आज नेपालगञ्जमा आजपाद्वारा आयोजित बृहत अन्तरक्रिया कार्यक्रमलाई सम्बोधन गर्दै आजपा अध्यक्ष साहले प्रधानमन्त्री निवास बालुवाटारमा बुनेको एक महत्वपूर्ण काण्ड ‘भिजिट भिसा काण्ड’ भएको टिप्पणी गरेका छन् ।

भिजिट भिसा प्रकरणमा केपी ओलीको हात रहेको उनको दाबी छ । "यहाँ प्रष्टै देखिन्छ काखमा राखेर छुरा हान्ने काम भएको छ," आजपा अध्यक्ष साहले भने-"रवि लामिछानेमाथि पनि यस्तै भएको थियो, सुरुमा सहकारीमा निर्दोष रहेको भन्ने केपीले नै दोषी बनाई जेल पठाउनुभयो । हेर्दै राख्नुस्, गृहमन्त्रीलाई अहिले राजीनामा दिनु नपर्ने बताउनुभएको प्रधानमन्त्री ओलीले अझै भिजिट भिसामा के-के गर्नुहुन्छ ।"

नेपाली कांग्रेस र नेकपा एमालेको अहिलेको गठबन्धन अपवित्र भएको टिप्पणी साहको छ । उनले बाहिर गठबन्धन जस्तो देखिए पनि भित्र–भित्र एकले अर्कोलाई सिध्याउने खेल चलिरहेको उनले बताए । अप्राकृतिक एवं अपवित्र अहिलको गठबन्धनका कारण मुलुक र जनताले दुःख पाइरहेको उनको जिकिर छ ।

आजपा नेता भगतजीको अध्यक्षतामा भएको कार्यक्रममा आजपाका नेताहरु त्रिभुवन साह, डा. उसमान, शम्भु जयसवाल लगायतको सहभागिता रहेको थियो ।

प्रकाशित मिति: बुधबार, जेठ २१, २०८२ २१:०४