मुस्कान खातुनको प्रधानमन्त्रीलाई यस्तो चिठी

समाचार

गृहपृष्ठ
समाचार
मुस्कान खातुनको प्रधानमन्त्रीलाई यस्तो चिठी

मुस्कान खातुनको प्रधानमन्त्रीलाई यस्तो चिठी

शुक्रबार, कात्तिक ८, २०७६ बागेश्वरी पोस्ट

काठमाडौं । एसिड आक्रमणमा परेर घाइते बनेकी वीरगन्ज महानगरपालिका छपकैयाकी १६ वर्षीया किशोरी मुस्कान खातुनले प्रधानमन्त्री केपी शर्मा ओलीलाई चिठी लेख्दै आक्रमणकारीलाई सजायको माग गरेकी छिन् ।

कात्तिक ५ गते प्रधानमन्त्रीलाई सम्बोधन गर्दै लेखिएको चिठीमा आफू प्रधानमन्त्रीको ठाउँमा भएको भए ती आक्रमणकारीलाई फाँसीको सजाय दिने उल्लेख गरेकी छिन् ।

उनले आफूमाथि परेको असह्य पीडा अन्य कुनै पनि नारीलाई नपरोस् र आफ्ना बाबुआमालाई परेकोजस्तो वेदना अरू कसैका आमाबुबालाई पनि नपरोस् भन्ने कामना पनि चिठीमा गरेकी छिन् ।

वीरगन्जको गणेशमान चोकस्थित त्रिभुवन विद्यालयको कक्षा ९ अध्ययनरत उनीमाथि आफूलाई मन नपराएको भन्दै विद्यालय गइरहेको समयमा गत भदौ २० गते दुई युवकले एसिड प्रहार गरेका थिए ।

हेर्नुहोस् मुस्कानले प्रधानमन्त्रीलाई लेखेको चिठी