राप्ती नदीमा निर्माणाधीन अस्थायी तटबन्धको निरीक्षण र अनुगमन

समाचार

गृहपृष्ठ
समाचार
राप्ती नदीमा निर्माणाधीन अस्थायी तटबन्धको निरीक्षण र अनुगमन

राप्ती नदीमा निर्माणाधीन अस्थायी तटबन्धको निरीक्षण र अनुगमन

शनिबार, साउन ३, २०८२ बागेश्वरी पोस्ट

नेपालगञ्ज । राप्ती नदीको बाढीबाट जमिन र बस्ती जोगाउनका लागि निर्माण भइरहेको आपतकालीन तटबन्धको निरीक्षण र अनुगमन गरिएको छ । राप्तीसोनारी-७ खल्लाझगडियामा निर्माणाधीन आपतकालीन बाढी प्रतिकार्य अन्तर्गत बेम्बो पाइलिङ प्रविधिबाट भइरहेको कामको निरीक्षण र अनुगमन गरिएको हो । बेम्बो पाइलिङ राख्ने कार्य सम्पन्न भई अहिले बोरा भर्ने र राख्ने कार्य भइरहेको जनताको तटबन्ध कार्यक्रमका आयोजना प्रमुख डा. नारायण सुवेदीले बताए । उक्त कार्यको आयोजनाका आयोजना प्रमुख डा. सुवेदीको नेतृत्वमा प्रगन्ना कुलो सिंचाई प्रणाली मूल समन्वय समितिका सदस्य तिलक न्यौपाने, नेपाली कांग्रेस बाँके क्षेत्र नम्बर १ का क्षेत्रीय सभापति पोषण केसी लगायतको स्थानीय सरोकारवालाहरु सहितको टोलीले आज स्थलगत अनुगमन र निरीक्षण गरेको छ ।

May be an image of 4 people

राप्ती नदी क्षेत्रमा प्रायः डुबान र कटानको समस्या तीव्र रूपले हुने हुँदा नदी तटीय क्षेत्रमा बसोबास गर्ने स्थानीयवासीहरु बाढी र नदी कटानको पीडाले रातभर सुत्न नसक्ने अवस्थामा तत्कालका लागि बस्ती र जनधन जोगाउन अस्थायीरूपले नदीको ४ मिटर गहिराईबाट तटबन्ध बान्ने कार्य जनताको तटबन्धले गरिरहेको डा. सुवेदीले जानकारी दिए । जिल्लाका तीन स्थानीय तह अन्तर्गत राप्तीसोनारी गाउँपालिकाको वडा नम्बर ६ स्थित ढलैया, वडा नम्बर ७ को पिप्रहवा, खल्ला झगडिया, देवपुरवा, राप्ती नदी पूर्वको नरैनापुर गाउँपालिकाको वडा नम्बर ६ स्थित सोनवर्षा, गंगापुर (कुदरबेटवा), भोजभगवानपुर तथा डुडुवा गाउँपालिकाको पुर्वी भेगमा बाढीको जोखिम न्यूनीकरणका लागि आपतकालीन तटबन्धको काम भइरहेको छ ।

May be an image of 6 people