वीपी स्मृति दिवसको अवसरमा सरसफाई

राजनीति

गृहपृष्ठ
राजनीति
वीपी स्मृति दिवसको अवसरमा सरसफाई

वीपी स्मृति दिवसको अवसरमा सरसफाई

शनिबार, साउन १०, २०८२ बागेश्वरी पोस्ट

नेपालगञ्ज । नेपाली काँग्रेसका पूर्व पार्टी सभापति एवम् प्रथम जननिर्वाचित प्रधानमन्त्री स्वर्गीय वीपी कोइरालाको ४३औं स्मृति दिवसका सन्दर्भमा नेपाल किसान महासंघ नेपालगञ्ज उपमहानगरपालिका वडा नम्बर–६ कार्यसमितिले विविध कार्यक्रम गरी मनाएको छ । विपीको स्मृति दिवसको अवसरमा आज नेपालगञ्ज उपमहानगरपालिका वडा नम्बर–६ स्थित हडियाबाबा प्राङ्गणमा सरसफाई तथा विभिन्न बीउविजन वितरण गरिएको छ ।

नेपाल किसान महासंघ नेपालगञ्ज वडा नम्बर–६ का वडा अध्यक्ष सगुन कुमार श्रेष्ठको अध्यक्षतामा सरसफाई तथा बीउविजन वितरण कार्यक्रम गरिएको थियो । हडियाबाबा प्राङ्गणमा उम्रिएका झारपात, घाँस र त्यहाँ थुप्रिएका फोहोरलाई एकत्रृत गरी त्यसको व्यवस्थापन समेत गरिएको थियो । सरसफाई तथा बीउविजन वितरण कार्यक्रमका प्रमुख अतिथि नेपाल किसान महासंघ लुम्बिनी प्रदेशका महामन्त्री एवम बाँकेका सचिव महेन्द्र मल्लले वीपीको राजनीतिक, समाजिक तथा साहित्यिक योगदानको चर्चा समेत गरेका थिए । उनले महामानव वीपी कोइरालाको बिचारको बाटो काँग्रेसले छाड्न नहुनेमा जोड दिए ।

किसान महासंघका केन्द्रिय प्रतिनिधि कुन्तलराज शर्माले स्वागत गरेको कार्यक्रममा नेपाली काँग्रेस नेपालगञ्ज नगर कार्यवहाक सभापति धनराज बर्मा, किसान महासंघका प्रदेश प्रतिनिधि राधा खड्का, महासंघ क्षेत्र नम्बर–२ सचिव विजय मल्ल, महासंघ नेपालगञ्ज नगर समिति अध्यक्ष लोक बहादुर शाह, काँग्रेस नेपालगञ्ज वडा नम्बर–६ का बुथ सचिव दिलिप रेग्मी लगायतले महामानव वीपी कोइरालाको बिचार र उनको पदचाप पछ्याउनुपर्नेमा जोड दिएका थिए । सो क्रममा वीपी स्मृति दिवस मनाउन सहयोग गर्ने दुई दर्जन बढीलाई सम्मानपत्र प्रदान गरिएको थियो ।

कार्यक्रममा नेपाल किसान महासंघ जिल्ला सदस्य निशा रेग्मी, नेपालगञ्ज उपमहानगरपालिकाकी कार्यपालिका सदस्य संगीता रेग्मी, किसान महासंघ वडा नम्बर–१३ का अध्यक्ष अरुण शाह, नगरका सचिव युवराज शाह, क्षेत्र नम्बर–२ का सदस्य गंगाराम डाँगी तथा नेपाल दलित संघ क्षेत्र नम्बर–२ का क्षेत्रीय सभापति प्रकाश नेपाली लगायतको सहभागिता रहेको थियो ।

नेपाल किसान महासंघ वडा नम्बर–६ को समितिले विपी स्मृति दिवसकै सन्दर्भ पारेर यसअघि नेपालगञ्ज उपमहानगरपालिका वडा नम्बर–६ स्थित फुल्टेक्रा माविको प्राङ्गणमा बृक्षारोपण समेत गरेको थियो । सो क्रममा विभिन्न प्रजातिका ७० वटा बोटविरुवा बृक्षारोपण गरिएको थियो । कार्यक्रमका प्रमुख अतिथि नेपाल किसान महासंघ लुम्बिनी प्रदेशका महामन्त्री एवम बाँकेका सचिव मल्लले उत्कृष्ट एक जना विद्यार्थीलाई पाँच वर्षसम्म पाँच हजार रुपैयाँ सहयोग गर्ने उद्घोष गरेका थिए ।

प्रकाशित मिति: शनिबार, साउन १०, २०८२ २१:१३

प्रतिक्रिया दिनुहोस्