वडा न १० मा कोरोना भाइरस विरुद्ध कार्यक्रम

समाचार

गृहपृष्ठ
समाचार
वडा न १० मा कोरोना भाइरस विरुद्ध कार्यक्रम

वडा न १० मा कोरोना भाइरस विरुद्ध कार्यक्रम

बिहीबार, चैत ६, २०७६ बागेश्वरी पोस्ट

नेपालगञ्ज। कोरोना भाइरस(कोभिड- १९ ) रोग विरुद्धका कार्यक्रम सञ्चालनका लागि वडा स्तरमा समेत पहल गरिदैछ ।

नेपालगञ्ज उपमहानगरपालिका वडा न १० ले कोरोना भाइरस रोग भित्रीन र फैलिन नदिन वडा स्तरमा विभिन्न कार्यक्रम सञ्चालन गर्ने तयारी गरेको छ । वडा अध्यक्ष विन्दुभुषण बस्नेतको अध्यक्षतामा आज विहीबार बसेको बैठकले कोरोना भाइरस रोग विरुद्धका कार्यक्रम गर्न वडा स्तरिय समन्वय समिति गठन गरेको छ ।

वडा सचिव शान्ती केसी सदस्य सचिव रहेको १३ सदस्यीय समितीले कोरोना भाइरसको संक्रमण भित्रीन र फैलिन नदिन तथा शंकाष्पद व्यक्तिहरुको निगरानी र उपचारको व्यवस्था मिलाउने लगायतका कार्य गर्ने छ । वडा स्तरिय समन्वय समितिको आजै बसेको वैठकले कोरोना भाइरस रोग विरुद्ध सचेतनामुलक लगायतका विभिन्न कार्यक्रम गर्ने निर्णय गरेको छ ।

शहरी स्वास्थ्य केन्द्रकोे समन्वयमा वडास्तरमा माईकिङ गर्ने, पर्चा÷पम्पलेट वितरण गर्ने र विभिन्न स्थानमा स्वास्थ्य सरसफाई लगायतका कार्यक्रम गर्ने निर्णय गरिएको छ । कोरोना भाइरस रोग विरुद्ध खटीने अभियन्ताहरुका लागि मास्क तथा स्यानी टाइजेशन समेत उपलव्ध गराइने वडा सचिव तथा समन्वय समिति सदस्य सचिव शान्ती के.सीले जानकारी दिनु भयो ।

आवश्यक्ताअनुसारका सचेतना तथा उपचारात्मक कार्यक्रम पनि गर्न सकिने वडा अध्यक्ष बस्नेतले जानकारी दिनु भयो । यस अघि नेपालगञ्ज उपमहानगरपालिकाले कोरोना भाइरस रोकथाम, पुर्व तयारी र उपचारका लागि टास्कफोर्स सहित कोष निर्माण गरेको छ ।

प्रकाशित मिति: बिहीबार, चैत ६, २०७६ १६:५६

प्रतिक्रिया दिनुहोस्