नेपालगञ्ज–दिल्ली सिधा हवाई उडानका लागि प्रधानमन्त्रीको ध्यानाकर्षण

समाचार

गृहपृष्ठ
समाचार
नेपालगञ्ज–दिल्ली सिधा हवाई उडानका लागि प्रधानमन्त्रीको ध्यानाकर्षण

नेपालगञ्ज–दिल्ली सिधा हवाई उडानका लागि प्रधानमन्त्रीको ध्यानाकर्षण

सोमबार, साउन २६, २०८२ बागेश्वरी पोस्ट

नेपालगञ्ज । प्रधानमन्त्री केपी शर्मा ओलीसमक्ष बाँके र बर्दियाका जनप्रतिनिधि र उद्योगी–व्यवसायीबाट नेपालगञ्ज–नयाँ दिल्ली सिधा हवाई उडानका लागि ध्यानाकर्षण गराइएको छ ।

प्रधानमन्त्री निवास बालुवाटारमा भएको भेटमा नेपालगञ्ज विमानस्थलमा आवश्यक पूर्वाधार विकास भइसकेकाले पश्चिम नेपालको ३२ जिल्लाको हवाई सुविधा र व्यवसायिक श्रीवृद्धिका लागि नेपालगञ्ज–नयाँ दिल्ली सिधा हवाई सेवा सञ्चालनको माग गरिएको हो ।

मागपत्र बुझेपछि प्रधानमन्त्री ओलीले आफू यसका लागि सकारात्मक रहेको र भारत सरकारसँग छलफल गरिने विश्वास दिलाए । उनले नेपालगञ्ज विमानस्थलको धावनमार्ग थप विस्तार र जमिन संरक्षण लगायतका काममा पनि चासो दिन आग्रह गरे ।

नेपालगञ्ज-दिल्ली सिधा हवाई उडानका लागि अगुवाई गरेको नेपालगञ्ज उद्योग बाणिज्य संघका अध्यक्ष एवम् नेपालगञ्ज दिल्ली हवाई उडान दबाब समूहका संयोजक टंक बहादुर धामी र महासचिव एवम् दबाब समूहका सदस्य सचिव भिम रानाभाटले जनप्रतिनिधि समेतको उपस्थितिमा ध्यानाकर्षण पत्र बुझाएका हुन् ।

May be an image of 14 people, dais and text that says 'ΗΗ'

यसैबीच टोलीले आजै नेपालगञ्ज दिल्ली सिधा हवाई उडानको लागि पहल गरिदिन आग्रह गर्दै परराष्ट्रमन्त्री डा. आरजु राणा देउबा र पर्यटन मन्त्री बद्री प्रसाद पाण्डेलाई ध्यानाकर्षणपत्र बुझाएको हो ।