'एक्टिंग स्टार' को टप टेनमा पुगेकी नेपालगञ्जकी चेली नविनालाई विजेता बनाउन 'मिडिया क्याम्पेन'

समाचार

गृहपृष्ठ
समाचार
'एक्टिंग स्टार' को टप टेनमा पुगेकी नेपालगञ्जकी चेली नविनालाई विजेता बनाउन 'मिडिया क्याम्पेन'

'एक्टिंग स्टार' को टप टेनमा पुगेकी नेपालगञ्जकी चेली नविनालाई विजेता बनाउन 'मिडिया क्याम्पेन'

मंगलबार, भदौ ३, २०८२ बागेश्वरी पोस्ट

नेपालगञ्ज । नेपालगञ्जकी चेली नविना रानाभाट एपिवन टेलिभिजनबाट प्रशारण भइरहेको रियालिटी शो 'एक्टिंग स्टार' को उत्कृष्ट दश (टप टेन) मा पर्न सफल भएकी छिन् । आफ्नो अभिनयको बेग्लै र गहिरो छाप छोड्न सफल भएकी नविना ४०० बढी प्रतिष्पर्धीलाई उछिन्दै निरन्तर अघि बढिरहेकी छिन् । उनलाई आज गृहनगर नेपालगञ्जमा भब्य स्वागत गर्दै मिडिया क्याम्पेन समेत गरिएको छ ।

May be an image of 6 people and dais

नेपालगञ्ज ग्यालरीको आयोजनामा गरिएको मिडिया क्याम्पेनमा नविनालाई 'एक्टिंग स्टार' को उपाधि दिलाउन सबै लाग्नुपर्नेमा जोड दिइएको छ । सशक्त र जीवन्त अभिनयले जजहरुको समेत मन जितिरहेकी नविनाले निरन्तर उत्कृष्ट प्रस्तुति दिँदै आएकी छिन् । कलाकारितालाई नै अब आफ्नो मूल मन्त्र ठानेर अघि बढ्ने बताएकी नविनाले आफूलाई भोट गरिदिएर सपना साकार बनाउने अभियानमा साथ दिन आग्रह गरिन् । अबका दिनमा पनि हरेक इपिसोडमा उत्कृष्ट र दमदार प्रस्तुति दिने गरी आफ्नो तयारी रहने भन्दै उनले बाँके र लुम्बिनीका विषयबस्तुलाई पनि अभियनको 'थिम' बनाउने उद्घोष समेत गरिन् । नविनाले रियालिटी शोमार्फत कला कौशल देखाएर यहाँसम्म आइपुग्दा आफ्नो पहिलो सपना पूरा भएको बताउँदै अब टाइटल जित्ने आफ्नो अर्को सपना पूरा गर्न सबैको साथ आवश्यक रहेको उल्लेख गरिन् ।

May be an image of 3 people, dais, temple and text

नेपालगञ्ज उद्योग बाणिज्य संघका महासचिव भिम बहादुर रानाभाट र निशा रानाभाटकी छोरी नबिनालाई अब पश्चिम नेपालकी छोरी ठानेर रियालिटी शो 'एक्टिंग स्टार' को उपाधि दिलाउने गरी सबै लाग्नुपर्ने आवश्यकता औंल्याइएको छ । उनको सशक्त अभिनय र कला क्षमताको उच्च कदरका निम्ति पनि उनी विजेता बन्नुपर्नेमा जोड दिइएको छ । कार्यक्रमकी प्रमुख अतिथि लुम्बिनी प्रदेश सदस्य कृष्णा केसी नमुनाले नविनालाई जिताउनका लागि भोट गर्न सबैलाई आह्वान गरिन् । उनले नविना नेपालगञ्ज मात्रै नभएर पश्चिम नेपालकी क्षमतावान छोरी भएको भन्दै उनको जित सबैको जित हुने बताइन् ।

नेपाल पत्रकार महासंघ बाँकेका अध्यक्ष नवीन गिरीले आफ्नो जीवन्त अभिनयमार्फत दर्शकको मत जितिरहेकी नविना नेपालगञ्जको गौरब भएको भन्दै उनको अभिनय कलाको प्रोत्साहन र निरन्तरताका लागि पनि उपाधि जिताउन सबै लाग्नुपर्ने बताए । पर्याप्त भोटको अभावमा राम्रो प्रतिभा पनि छिट्टै आउट हुने अवस्था आउन सक्ने भन्दै गिरीले नविनालाई भोट गर्न कञ्जुस्याँई गर्न नहुने बताए । उनले नविनालाई खुलेर भोट गर्न अह्वान गरे । स्थानीय पत्रकार, जनप्रतिनिधि, व्यवसायी, कलाकार लगायत विभिन्न क्षेत्रका व्यक्तिको उपस्थिति रहेको कार्यक्रममा नविनाको जितका लागि सामूहिक भोट अपिल गरिएको छ ।

May be an image of 7 people and dais

मिडिया क्याम्पेन कार्यक्रममा नबिनाका बुवा भीमले उनी अब आफ्नो मात्र छोरी नभएर समग्र कला पारखी र पश्चिम नेपालको चेली भएको भन्दै अत्याधिक भोटका लागि लागिदिन सबैलाई आग्रह गरे । कार्यक्रमको सहजीकरण नेपालगञ्ज ग्यालरीका एडमिन समिरमान श्रेष्ठले गरेका थिए ।

May be an image of 2 people, people studying and table May be an image of 3 people and text that says 'ACTING STAR VOTE VOTEFOR FOR Nabina Rana Bhat Nepalgunj, Banke हजुरहरुको साथ र समर्थन मेरो सफलताको आधार हो| भोट गरेर मलाई साथ दिनुहोस। यदि तपाईहरूलाई App मार्फत भोट गर्न समस्या भइरहेको भए दिइएको QR Code मार्फत पनि भोट को लागि आर्थिक सहयोग गर्न सक्नु हुनेछ। Voting App Nepal OSR Connect Laxmi Sunrise International Cinemaghar eSewa'