साल्ट ट्रेडिङ्ग नेपालगञ्जमा नुनको पर्याप्त मौज्दात

समाचार

गृहपृष्ठ
समाचार
साल्ट ट्रेडिङ्ग नेपालगञ्जमा नुनको पर्याप्त मौज्दात

साल्ट ट्रेडिङ्ग नेपालगञ्जमा नुनको पर्याप्त मौज्दात

शुक्रबार, चैत ७, २०७६ बागेश्वरी पोस्ट

नेपालगञ्ज । साल्ट ट्रेडिङ्ग कर्पोरेशन लिमिटेड नेपालगञ्ज कार्यालयले नुनको पर्याप्त मौज्दात रहेको जनाएको छ ।

बजारमा नुनको अभाव भएको हल्लासंगै ग्राहकले एकैचोटी धेरै नुन किन्न थालेपछि कार्यालयले एक बर्षलाई पुग्ने नुन मौज्दात रहेको जनाएको हो। कार्यालय प्रमुख मनोज कुमार चौधरीले साविकको मध्यपश्चिमका सबै जिल्लामा पुग्ने गरी नुनको मौज्दात रहेको भन्दै चिन्ता नलिन आग्रह गर्नुभएको छ ।

उहाँले हाल नुनको मागको अवस्था केही बृद्धि भएको देखिएकाले साविकमा विक्रि वितरण भए सरह विक्रि वितरणको व्यवस्था मिलाउन सबै डिलरहरुलाई जानकारी गराइएको बताउनुभयो । कार्यालय प्रमुख चौधरीले किराना पसलहरुलाई पनि सोही बमोजिम वितरणको व्यवस्था मिलाउन डिलरहरु मार्फत् आग्रह गरिएको जानकारी दिनुभयो । उहाँले दाङ्ग, प्युठान तथा रोल्पा जिल्लामा यस कर्पोरेशनको भैरहवाबाट समेत नुनको आपूर्ति हुने गरेको बताउनुभयो ।

यस कार्यालयबाट आर्थिक बर्ष २०७३/७४ मा १८ हजार ८ सय ९ दशमलब ७०, २०७४/७५ मा १८ हजार ३ सय ४२ दशमलब २५, २०७५/७६ मा १८ हजार १ सय ६४ दशमलब ७५ र चालू आर्थिक बर्षको फागुन मसान्तसम्म १२ हजार १७ दशमलब ६५ मेट्रिक टन नुन विक्रि वितरण भएको छ ।

अघिल्लो साता ३ सय ३ दशमलब १० र यो साता ७ सय ४० दशमलब २५ मेट्रिक टन नुन विक्रि भएको छ । कार्यालयमा अहिले १७ हजार २ सय ६७ दशमलब ६५ मेट्रिक टन नुन मौज्दात रहेको कार्यालय प्रमुख चौधरीले जानकारी दिनुभयो ।

प्रकाशित मिति: शुक्रबार, चैत ७, २०७६ १७:२६

प्रतिक्रिया दिनुहोस्