पर्साबाट स्रोत नखुलेको रकम सहित २ जना पक्राउ

समाचार

गृहपृष्ठ
समाचार
पर्साबाट स्रोत नखुलेको रकम सहित २ जना पक्राउ

पर्साबाट स्रोत नखुलेको रकम सहित २ जना पक्राउ

शुक्रबार, कात्तिक ८, २०७६ बागेश्वरी पोस्ट

पर्सा । बीरगञ्ज महानगरपालिका-१६ शंकराचार्य गेटबाट स्रोत नखुलेको नगद १३ लाख ५० हजार रुपैयाँ सहित २ जनालाई शुक्रबार बिहान प्रहरीले पक्राउ गरेको छ ।

पक्राउ पर्नेहरुमा सोही महानगरपालिका-१४ बस्ने २५ वर्षीय मन्तु कुमार साहलाई ४ लाख ५० हजार रुपैयाँ र भारत बिहार घर भएका ४६ वर्षीय गोपाल प्रसाद अग्रवाललाई ९ लाख रुपैयाँ सहित प्रहरीले पक्राउ गरेको हो ।

जिल्ला प्रहरी कार्यालय पर्साबाट खटिएको प्रहरीले जाँच गर्ने क्रममा ना.१५ प ९२८५ नम्बरको मोटरसाइकल चालक साह र बीआर २२ टी २९३० नम्बरको मोटरसाइकल चालकको अग्रवालको साथमा उक्त रकम फेला पारी प्रहरीले पक्राउ गरेको हो ।

यस सम्बन्धमा प्रहरीले थप अनुसन्धान गरिरहेको छ ।

प्रकाशित मिति: शुक्रबार, कात्तिक ८, २०७६ २०:३४

प्रतिक्रिया दिनुहोस्