कोरोना उपचारका लागि बाँकेमा २ वटा आइसोलेसन वार्डयुक्त अस्पताल बन्दै

समाचार

गृहपृष्ठ
समाचार
कोरोना उपचारका लागि बाँकेमा २ वटा आइसोलेसन वार्डयुक्त अस्पताल बन्दै

कोरोना उपचारका लागि बाँकेमा २ वटा आइसोलेसन वार्डयुक्त अस्पताल बन्दै

प्रदेश ५ भित्र ६ अस्पताल बन्दै

शनिबार, चैत ८, २०७६ बागेश्वरी पोस्ट

बुटवल । बिश्वभर महामारीको रुपमा फैलिएको कोरोना भाइरसले करिब दश हजार बढी मानिसहरुको ज्यान गइसकेको छ।

लाखौ मानिस यसको संक्रमणमा परेका छन। कोरोना भाइर (कोभिड–१९)नियन्त्रणका लागि प्रदेश ५ सरकारले ६ वटा आइसोलेसन वार्डयुक्त अस्पताल बनाउने तयारी गरिसकेको छ ।

कोरोना रोकथाम तथा उपचारका लागि र्‍यापिड रेस्पोन्स टिम गठन गरेर काम गरिरहेको प्रदेश ५ सरकारले लकडाउनको अवस्था विश्लेषण गर्ने जिम्मेवारी सीडीओहरुलाई समेत तोकेको छ ।

कोभिड—१९ पूर्वतयारी, प्रतिकार्य र नियन्त्रणका लागि मुख्यमन्त्री शंकर पोखरेलको अध्यक्षतामा बसेको बैठकले रुपन्देहीमा ३, बाँकेमा २ र दाङमा एउटा अस्पताल बनाउने निर्णय गरेको हो ।अस्पताल बनाउन रुपन्देहीको बुटवल धागो कारखाना, भैरहवाको भीम अस्पताल र देवदहमा रहेको देवदह बहुमुखी क्याम्पस तोकिएको छ ।

त्यसैगरी बाँकेमा क्यान्सर रोग अस्पताल र नेपाल प्रहरीको अस्पतालमा तथा दाङको बेलझुण्डीमा रहेको आयुर्वेद अस्पतालमा आइसोलेसनयुक्त अस्पताल बनाउने प्रदेश सरकारको तयारी छ ।

प्रकाशित मिति: शनिबार, चैत ८, २०७६ १०:५०

प्रतिक्रिया दिनुहोस्