विशाल रक्तदान शिविरमा ११९१६ पिन्ट रगत संकलन, नेपालगञ्ज क्षेत्रमा ५६२ पिन्ट

समाचार

गृहपृष्ठ
समाचार
विशाल रक्तदान शिविरमा ११९१६ पिन्ट रगत संकलन, नेपालगञ्ज क्षेत्रमा ५६२ पिन्ट

विशाल रक्तदान शिविरमा ११९१६ पिन्ट रगत संकलन, नेपालगञ्ज क्षेत्रमा ५६२ पिन्ट

बुधबार, भदौ ११, २०८२ बागेश्वरी पोस्ट

नेपालगञ्ज । विश्व बन्धुत्व दिवस तथा ब्रह्माकुमारी संस्थाका पूर्व प्रमुख प्रशासिका राजयोगिनी दादी प्रकाशमणिजीको १८औँ पुण्यतिथिमा आयोजित विशाल रक्तदान महाअभियान शिविरमा ११९१६ पिन्ट रगत संकलन भएको छ । भदौ ६ देखि ९ गतेसम्म देशभरका १५ ब्रह्माकुमारी संस्थाहरुमा सञ्चालित चार दिने शिविरमा उक्त पिन्ट रगत संकलन भएको हो ।

ब्रह्माकुमारी ईश्वरीय विश्वविद्यालय क्षेत्रीय कार्यालय नेपालगञ्ज प्रमुख ब्रह्माकुमारी दुर्गा दिदीले काठमाण्डौ उपत्यकामा ४४४६, विराटनगरमा २८३०, नारायणगढ ९७०, राजविराज १९७, विरगञ्ज ५४२, पोखरा ५६४, दाङ २८३, बुटवल ५५३, हेटौँडा २७०, जनकपुर ३५४, भैरहवा ६७, धनगढी १३३, पाल्पा ६४, बागलुङ ८१ र नेपालगञ्जमा ५६२ पिन्ट रगत संकलन भएको बताइन् । ब्रह्माकुमारी ईश्वरीय विश्वविद्यालयले एसियाली मुलुकहरुमा १ लाख पिन्ट रगत संकलन गर्ने लक्ष्य लिएको ब्रह्मकुमार कृष्णजीले बताए । ब्रह्माकुमारीका नेपाल र भारतमा रहेका विभिन्न केन्द्रमार्फत ‘विशाल रक्तदान महाअभियान–२०२५’ चलाइएको हो ।

ब्रह्माकुमारी ईश्वरीय विश्वविद्यालयले शान्ति, सद्भाव, राष्ट्रिय एकता, धार्मिक सहिष्णुता र सामाजिक–आध्यात्मिक मूल्यहरूको संरक्षण तथा प्रवद्र्धनमा योगदान दिँदै आएको छ ।

प्रकाशित मिति: बुधबार, भदौ ११, २०८२ १९:४८

प्रतिक्रिया दिनुहोस्