बाँकेमा आइतबारदेखि अत्यावश्यक बाहेक सबै पसल बन्द हुने

समाचार

गृहपृष्ठ
समाचार
बाँकेमा आइतबारदेखि अत्यावश्यक बाहेक सबै पसल बन्द हुने

बाँकेमा आइतबारदेखि अत्यावश्यक बाहेक सबै पसल बन्द हुने

शनिबार, चैत ८, २०७६ बागेश्वरी पोस्ट

undefined

नेपालगन्ज ।कोरोनाको बढ्दो संक्रमण रोक्न बाँकेमा भोलिदेखि खाद्यान्न, औषधि लगायत अत्यावश्यक बाहेकका सम्पूर्ण पसल व्यवसाय बन्द गरिने भएको छ ।

बाँकेका प्रमुख जिल्ला अधिकारी कुमारबहादुर खड्काको अध्यक्षतामा आज नेपालगञ्ज उपमहानगरपालिकामा बसेको कोरोना पूर्व तयारीका लागि गठित जिल्ला स्तरीय टास्कफोर्सको वैठकले यस्तो निर्णय गरेको हो।

त्यस्तै भोलिसम्म लायन्स डेण्टल अस्पतालमा आइसोलेसन स्थापना गर्ने, वडास्तरमा क्वारेन्टाइनका लागि स्थानीय तहलाई अनुरोध गर्ने, सेल्फ आइसोलेसनका लागि आम नागरिकमा आव्हान गर्ने, कोरोना विरुद्ध राज्यले गरेको निर्णय कार्यान्वयनका लागि कडाईका साथ प्रस्तुत हुने लगायतका निर्णय भएका छन् ।

बैठकमा प्रदेशसभा सदस्य कृष्णा केसी नमुना, नेपालगञ्ज उपमहानगरपालिकाका उपमेयर उमा थापा मगर, नेकपा बाँकेका सचिव अशोक कोइराला, खजुरा गाउँपालिकाका अध्यक्ष किष्मतकुमार कक्षपति, भेरी अस्पतालका प्रमुख डा. प्रकाश थापा, जिल्ला प्रहरी प्रमुख एसपी वीरवहादुर वली लगायतको सहभागिता थियो ।

प्रकाशित मिति: शनिबार, चैत ८, २०७६ २०:४३

प्रतिक्रिया दिनुहोस्