कोरोना सन्त्रास:नेपालगन्ज सिमानामा कडाई, स्वास्थ्य जाँचलाई तिब्रता

समाचार

गृहपृष्ठ
समाचार
कोरोना सन्त्रास:नेपालगन्ज सिमानामा कडाई, स्वास्थ्य जाँचलाई तिब्रता

कोरोना सन्त्रास:नेपालगन्ज सिमानामा कडाई, स्वास्थ्य जाँचलाई तिब्रता

आइतबार, चैत ९, २०७६ बागेश्वरी पोस्ट

नेपालगन्ज ।अहिले बिश्व नै कोरोनाको महामारीबाट ग्रसित छ। यसलाई मध्यनजर गर्दै नेपालगन्जको सिमा नाका जमुनाहमा आउजाउमा प्रशासनले कडाइ पारेको छ ।भारतबाट काम गर्न आउने सीमावर्ती भारतीयलाई रोक लगाइएको छ ।

प्रशासन कार्यालयका अनुसार बिरामीलाई मात्र आउजाउमा छुट दिइएको छ । किनमेललगायत कामले सीमापारि जानेलाई कोभिड–१९ को जोखिमबारे सम्झाएर फर्काउने गरिएको छ । सानाठूला गाडीको आवतजावत रोकिएको छ । शुक्रबारसम्म पैदल यात्रुलाई नाका पार गर्न दिइएको थियो । त्यसक्रममा एकै दिन दुई हजारभन्दा बढीले ओहोरदोहोर गरेपछि प्रशासनले सावधानी अपनाएको जनाएको छ । ‘

नाका बन्द गर्न मिल्दैन,’ प्रमुख जिल्ला अधिकारी कुमारबहादुर खड्काले भने, ‘अहिलेलाई आवागमन रोकेर उच्च सावधानी अपनाएका हौं ।’ अत्यावश्यक कामले आउजाउ गर्ने दुवै मुलुकका बासिन्दालाई नरोकिएको उनले बताए । नाकामा शनिबारबाट खटाइएका नेपाल प्रहरी, सशस्त्र प्रहरी र नेपाली सेनाले ओहोरदोहोरमा निगरानी गर्नुका साथै स्वास्थ्य परीक्षणमा सघाइरहेका छन् ।

छिमेकी भारतको उत्तर प्रदेशमा कोभिड–१९ को संक्रमण बढ्दै गएपछि मुलुक फर्किनेको भीड बढेको हो । इलाका प्रहरी कार्यालय जमुनाहका अनुसार चैत ५ यता २४ हजार २ सय ३२ जना नेपाल फर्किसकेका छन् । भारत जाने नेपालीलाई नाकाबाट फर्काउन थालेपछि चाप घटेको हेल्थ डेस्कमा खटिएकी स्वास्थ्यकर्मी दुर्गा महतले बताइन् । इलाका प्रहरी कार्यालयका प्रमुख माधव रिजालले भारत जानेको संख्या न्यून रहेको बताए । त्यस्तै नरैनापुर गाउँपालिकाले पनि शनिबारदेखि सीमा नाका बन्द गरेको छ ।

जिल्ला प्रहरी कार्यालयका डीएसपी शिवबहादुर सिंहले बताए । ‘आवतजावत पूर्ण रूपले बन्द गरेका छौं,’ उनले भने, ‘भारतीयलाई सीमा पारि र नेपालीलाई मुलुकमै रोकेका हौं ।’ उनका अनुसार नरैनापुरका सीमावर्ती ककरदरी, रामपुर, शोनवर्षा, सुइया, बनियागाउँ, रोशनपुर्वा, घोडदौरियालगायत नाकामा स्वास्थ्यकर्मी र सुरक्षाकर्मी परिचालन गरेर निगरानी बढाइएको छ । यसैगरी आजदेखि बाँकेका अत्यावश्यक बाहेकका सबै पसल बन्द गर्न आग्रह गरिएको छ।

प्रकाशित मिति: आइतबार, चैत ९, २०७६ ०७:५६

प्रतिक्रिया दिनुहोस्