स्वच्छ सफा नेपालको १२औँ वार्षिक साधारण सभा सम्पन्न

समाचार

गृहपृष्ठ
समाचार
स्वच्छ सफा नेपालको १२औँ वार्षिक साधारण सभा सम्पन्न

स्वच्छ सफा नेपालको १२औँ वार्षिक साधारण सभा सम्पन्न

बिहीबार, भदौ १९, २०८२ बागेश्वरी पोस्ट

काठमाडौं । पर्यावरण संरक्षण र दिगो फोहर व्यवस्थापनमा क्रियाशील गैरनाफामुखी संस्था स्वच्छ सफा नेपाल (क्लिन अप नेपाल) ले आज काठमाडौंमा आफ्नो १२औँ वार्षिक साधारण सभा तथा सामाजिक लेखाजोखा कार्यक्रम सम्पन्न गरेको छ । २०७१ साल जेठ ८ गते स्थापना भएको यस संस्थाले स्वच्छ वातावरण, स्वच्छ हावा, स्वच्छ पानी र जिम्मेवार जीवनशैली प्रवर्द्धन गर्दै आएको छ।

सभामा प्रस्तुत प्रतिवेदन अनुसार आर्थिक वर्ष २०८१/८२ मा ३६०० भन्दा बढी अभियानकर्मीको सहभागितामा १५० टन फोहर संकलन, ५०० जनालाई प्लास्टिक व्यवस्थापन तालिम, ५३० जनालाई व्यक्तिगत सुरक्षा सामग्री वितरण, ४६८ जनालाई सामाजिक सुरक्षा योजनामा आवद्ध, २२०० भन्दा बढी बृक्षारोपण, २६५ जनाको जलवायु न्यायसम्बन्धि क्षमता विकास, ४५ सरसफाईकर्मी महिलालाई स्वास्थ्य सेवा तथा ५७ विद्यालयका ४००० भन्दा बढी विद्यार्थीलाई शून्य फोहर कार्यक्रम अन्तर्गत तालिम प्रदान गरिएको उल्लेख छ ।

कार्यक्रममा कोषाध्यक्ष नवराज पौडेलले संस्थाको वार्षिक आम्दानी रु. ४ करोड ८० लाख ५२ हजार ७२७ र खर्च रु. ३ करोड ९६ लाख ३८ हजार ९५५ भएको वित्तीय प्रतिवेदन प्रस्तुत गरे । लेखा परीक्षक सुजन सुबेदीले संस्थाको लेखा प्रणाली उत्कृष्ट र पारदर्शी रहेको बताए । कार्यकारी निर्देशक रविन्द्र लामिछानेले नदी सरसफाई, अनौपचारिक सरसफाईकर्मीको पेशागत हित संरक्षण, उद्यमशीलता प्रवर्द्धन तथा जलवायु न्यायका क्षेत्रमा संस्थाले उल्लेख्य योगदान गरेको जानकारी दिए ।

साधारण सभामा सरोकारवालाहरूले क्लिन अप नेपालको कामले गैरसरकारी संस्थाप्रति विश्वास जगाएको उल्लेख गर्दै आगामी दिनमा स्रोतको विविधिकरण र दीर्घकालीन योजनामा ध्यान दिनुपर्ने सुझाव प्रस्तुत गरे । कार्यक्रममा ललितपुर महानगरपालिका, काठमाडौं महानगरपालिका, समाज कल्याण परिषद, विभिन्न साझेदार संस्था, निजी क्षेत्रका प्रतिनिधि, पत्रकार तथा सरोकारवालाको सहभागिता रहेको थियो ।

प्रकाशित मिति: बिहीबार, भदौ १९, २०८२ २१:४१

प्रतिक्रिया दिनुहोस्