एक हप्ताका लागि नेपालगन्ज सिमा नाका बन्द

समाचार

गृहपृष्ठ
समाचार
एक हप्ताका लागि नेपालगन्ज सिमा नाका बन्द

एक हप्ताका लागि नेपालगन्ज सिमा नाका बन्द

आइतबार, चैत ९, २०७६ बागेश्वरी पोस्ट

नेपालगन्ज । कोरोना भाईरसको संक्रमण हुन नदिन बढ्न नदिन नेपालगन्ज रुपइडिहा सिमा जमुनाह नाका बन्द भएको छ।

आज भएको नेपाल र भारततिय सुरक्षा निकायका प्रमुखहरुको छलफलबाट जमुनाह नाका एक हप्तालाई बन्द गर्ने निर्णय भएको हो । आज बिहान बाँकेका प्रमुख जिल्ला अधिकारी कुमार बहादुर खड्का, बाँके प्रहरी प्रमुख बिर बहादुर वली, शसस्त्र प्रहरी गुल्म ३० नं गणका प्रहरी उपरिक्षक दिपक अधिकारी र भारत बहराईच जिल्ला अधिकारी सम्भु कुमार, बहराईचका एसपी बिपिन कुमार मिश्रा सहितको दुईपक्षिय छलफलका क्रममा सिमा नाका बन्द गर्ने बारे सहमती भएको हो ।

शुक्रबारदेखी सवारी साधनमा रोक लगाएपनि पैदल यात्रीहरुलाई भने आवागमनकालागि छुट गरीएको थियो । सिमा नाका बन्द गर्ने निर्णय भएसँगै अब पैदलयात्रु तथा सवारी साधन संचालन हुन पाउने छैन । यद्यपी अत्यावश्यक सामग्री ढुनावी तथा एम्बुलेन्सको हकमा आवश्यकता अनुसार आवागमन गर्न दिने सहमती भएको छ ।

नेपालगन्ज बजार बन्द भएसँगै छिमेकी बजार रुपहिडिया बन्द गर्न बहराईच जिल्ला अधिकारी सम्भु कुमारले निर्देशन दिएको स्रोतले जनाएको छ ।

प्रकाशित मिति: आइतबार, चैत ९, २०७६ १३:१५

प्रतिक्रिया दिनुहोस्