जेन-जी प्रदर्शनमा ज्यान गुमाएका नेपालगञ्जका सुलभको अन्त्येष्टि, आयुषको शनिबार अन्त्येष्टि

समाचार

गृहपृष्ठ
समाचार
जेन-जी प्रदर्शनमा ज्यान गुमाएका नेपालगञ्जका सुलभको अन्त्येष्टि, आयुषको शनिबार अन्त्येष्टि

जेन-जी प्रदर्शनमा ज्यान गुमाएका नेपालगञ्जका सुलभको अन्त्येष्टि, आयुषको शनिबार अन्त्येष्टि

शुक्रबार, भदौ २७, २०८२ बागेश्वरी पोस्ट

नेपालगञ्ज । जेन-जीको प्रदर्शनमा ज्यान गुमाएका नेपालगञ्ज उपमहानगरपालिका-१ का २३ वर्षीय सुलभ राज श्रेष्ठ र १९ वर्षीय आयुष थापाको शब नेपालगञ्ज ल्याइएको छ । सुलभको आजै राप्ती नदीस्थित सिधनिया घाटमा अन्त्येष्टि गरिएको छ भने आयुषको शनिबार मात्रै अन्त्येष्टि हुने भएको हो । अन्त्येष्टि अघि पार्थिब शरीरलाई नगर परिक्रमा गराइएको थियो । ठूलो संख्यामा उपस्थित नेपालगञ्जबासीले नगर परिक्रमा गराएका थिए । त्यसअघि उनीहरुको घरमा स्थानीयको ठूलो भीड लागेको थियो । आयुषको शव भेरी अस्पतालमा राखिएको छ । भदौ २३ गते काठमाडौंमा भएको प्रदर्शनमा उनीहरुको ज्यान गएको हो । आज बुद्धको जहाज चार्टर गरेर शव नेपालगञ्ज ल्याइएको हो ।

May be an image of 5 people and temple May be an image of one or more people, scooter, street, road and text that says 'RP UENIAL HEGE bridge K K'shai अमत E3'