असोज १ गते शोक दिवस मनाइने, देशभर सार्वजनिक विदा

समाचार

गृहपृष्ठ
समाचार
असोज १ गते शोक दिवस मनाइने, देशभर सार्वजनिक विदा

असोज १ गते शोक दिवस मनाइने, देशभर सार्वजनिक विदा

सोमबार, भदौ ३०, २०८२ बागेश्वरी पोस्ट

नेपालगञ्ज । सरकारले असोज १ गते शोक दिवस मनाउने निर्णय गरेको छ । आज बसेको मन्त्रिपरिषद् बैठकले असोज १ गते शोक दिवस मनाउने निर्णय गरेको गृह तथा कानुन मन्त्री ओमप्रकाश अर्यालले जानकारी दिए । त्यस्तै असोज १ गते सार्वजनिक बिदा दिने र ज्यान गुमाएका व्यक्तिहरूलाई राष्ट्रिय झण्डा ओड्याउने निर्णय समेत भएको छ । उनका अनुसार जेनजी आन्दोलनका क्रममा शाहदत प्राप्त गरेका व्यक्तिहरूलाई शहीद घोषणा गरिएको छ ।

ज्यान गुमाएका व्यक्तिहरूलाई राष्ट्रिय सम्मानसहित अन्त्येष्टि गर्ने निर्णय समेत भएको गृह तथा कानुन मन्त्री अर्यालले जानकारी दिए ।२३ र १४ भदौमा भएको जेनजी आन्दोलनका क्रममा देशभरि हालसम्म ७२ जनाले ज्यान गुमाएका छन् भने २ हजार ३१६ जना घाइते भएका थिए । जस मध्ये देशका विभिन्न अस्पतालमा २८३ जना घाइतेहरू उपचाररत छन् । अन्य भने निको भएर घर फर्किसकेका छन् ।

मृतकका परिवारलाई १५ लाख रुपैयाँ दिने निर्णय मन्त्रिपरिषद्ले गरेको छ । यसका साथै भदौ २३ र २४ गतेको घटनाका सम्बन्धमा छानबिन गर्न उच्चस्तरीय न्यायिक आयोग गठन गरिने भएको छ । यस्तै, उनीहरुको सम्मानमा जेन–जी स्मारक समेत बनाउने निर्णय मन्त्रिपरिषद्‌ले गरेको छ ।

प्रकाशित मिति: सोमबार, भदौ ३०, २०८२ २१:१०

प्रतिक्रिया दिनुहोस्