प्रदेशसभा सदस्य गिरीद्वारा सपथ

राजनीति

गृहपृष्ठ
राजनीति
प्रदेशसभा सदस्य गिरीद्वारा सपथ

प्रदेशसभा सदस्य गिरीद्वारा सपथ

आइतबार, चैत ९, २०७६ बागेश्वरी पोस्ट

सभामुख पूर्णबहादुर घर्तीले प्रदेशसभाको लोगोसहितको व्याच नवनिर्वाचित सांसद शंकर गिरीलाई लगाउँदै

बुटवल । प्रदेश नम्बर ५ को प्रदेशसभा सदस्यमा शंकर गिरीले आइतबार सपथ लिएका छन् । नेपाली काँग्रेसको समानुपातिक सूचीबाट आएका गिरीलाई प्रदेश– ५ को प्रदेशसभाका सभामुख पूर्णबहादुर घर्तीले एक समारोहका बीच गिरीलाई शपथ दिलाएका हुन् ।

ज्येष्ठ प्रदेशसभा सदस्य बलदेव शर्मा पोखरेलको निधनपछि रिक्त स्थानमा काँग्रेसले दाङका गिरीलाई प्रदेश सांसद बनाउन निर्वाचन आयोगमा सिफारिस गरेको थियो । काँग्रेसले प्रदेश ५ को प्रदेशसभामा समानुपातिक तर्फ गिरीको नाम यसअघि नै दोस्रो नम्बरमा सिफारिस गरेको थियो ।

शपथ लिएसँगै संचारकर्मीसँग कुरा गर्दै गिरीले पार्टीले ढिलै भएपनि न्याय गरेको महसुस भएको प्रतिक्रिया दिए । उनले पार्टीको नीति निर्देशन र आफ्नो पूर्ण विवेक प्रयोग गरी प्रदेशसभा मार्फत जनताको पक्षमा काम गर्ने प्रतिबद्धता जनाए ।