पत्रकार शाहीमाथि भएको कुटपिट र दुब्र्यवहारको निन्दा, दोषीलाई कारबाहीको माग

समाचार

गृहपृष्ठ
समाचार
पत्रकार शाहीमाथि भएको कुटपिट र दुब्र्यवहारको निन्दा, दोषीलाई कारबाहीको माग

पत्रकार शाहीमाथि भएको कुटपिट र दुब्र्यवहारको निन्दा, दोषीलाई कारबाहीको माग

शनिबार, कात्तिक ८, २०८२ बागेश्वरी पोस्ट

नेपालगञ्ज । नेपाल पत्रकार महासंघ बाँकेले पत्रकार डिल्ली शाहीमाथि रिपोर्टिङको क्रममा भएको कुटपिट र दुव्र्यवहारप्रति खेद ब्यक्त गरेको छ । नेपाल पत्रकार महासंघ बाँके शाखाका साधारण सदस्य तथा कोहलपुर टुडे डटकमका कार्यकारी सम्पादक डिल्ली शाहीमाथि शनिबार बाँकेको राप्तीसोनारी गाउँपालिका–९ बुच्चापुरमा रिपोर्टिङको क्रममा भएको कुटपिट र दुव्र्यवहारप्रति बाँके शाखाले प्रेस विज्ञप्ती जारी गरेर ध्यानाकर्षण भएको जनाएको छ ।

जंगली जनावरको आक्रमणबाट स्थानीय एक जनाको मृत्यु भएको विषयमा समाचार संकलन गर्न गएको बेला स्थानीयबासीको एक समूहले बाँके राष्ट्रिय निकुञ्जका रेन्जर जयहरी धितालमाथि कुटपिट गरेको भिडिओ आफूले खिचेकोले सोही समूहले नै आफूमाथि कुटपिट गर्नुका साथै मोबाइल खोसेर भिडिओ डिलिट गरिदिएको शाहीले बताएका छन् ।

"नेपाल पत्रकार महासंघ बाँके शाखा उक्त घटनाप्रति खेद व्यक्त गर्दै आगामी दिनमा यस्ता घटनाको पुनरावृत्ति नहोस् भन्नेतर्फ ध्यानाकर्षण गराउँदछ । साथै सञ्चारमैत्री तथा सुरक्षित वातावरण निर्माणका लागि सम्बद्ध सबैमा अपिल गर्दछौँ । घटनामा संलग्न दोषीहरुमाथि कार्वाहीको माग गर्दै स्वतन्त्र पत्रकारिताका लागि भयरहित वातावरण बनाउन बाँके प्रशासनको ध्यानाकर्षण गराउँदछौं," सचिव कृष्ण ओलीद्वारा जारी विज्ञप्तीमा भनिएको छ ।

May be an image of text

घटनाको नेपाल प्रेस युनियन बाँके र प्रेस सेन्टर नेपाल बाँकेले पनि छुट्टाछुट्टै विज्ञप्ती जारी गरेर भत्सर्ना गर्दै दोषीहरुमाथि कारबाहीको माग गरेका छन् । युनियन सचिव भीष्म लोध र प्रेस सेन्टर अध्यक्ष चन्द्र बोहराले विज्ञप्ती जारी गरेका हुन् ।राप्तीसोनारी गाउँपालिका–९ गुरुवागाउँ नमुना टोल निवासी ४० बर्षीय इन्द्र बहादुर खत्रीको शुक्रबार जङ्गली जनावरको आक्रमणबाट मृत्यु भएको थियो । शाही रिपोर्टिङको लागि त्यहाँ पुगेका थिए ।

May be an image of text