चीन र भारतसँगका सबै नेपाली सीमा एक हप्ताका लागि बन्द

राजनीति

गृहपृष्ठ
राजनीति
चीन र भारतसँगका सबै नेपाली सीमा एक हप्ताका लागि बन्द

चीन र भारतसँगका सबै नेपाली सीमा एक हप्ताका लागि बन्द

आइतबार, चैत ९, २०७६ बागेश्वरी पोस्ट

काठमाडौँ । मन्त्रिपरिषद बैठकले सोमबार बिहान १० बजेदेखि एक हप्तासम्म भारत र चीनसँगको सीमा नाकामा आवागमन पूर्णरुपमा बन्द गर्ने निर्णय गरेको छ ।

आइतबार साँझ प्रधानमन्त्री निवास बालुवाटारमा बसेको मन्त्रिपरिषद् बैठकले उक्त निर्णय गरेको हो । प्रधानमन्त्री ओलीको दाेस्राेपटक मृगाैला प्रत्यारोपण पछि मन्त्रिपरिषदकाे याे पहिलाेपटक भएकाे बैठक हाे । बैठकअघि प्रधानमन्त्री ओलीले राष्ट्रपति विद्या भण्डारीसँग भेट गरेका थिए ।

भेटमा प्रधानमन्त्रीले राष्ट्रपतिसँग कम्तीमा एक सातालाई छिमेकी मुलुकसँगका सबै सीमाहरु बन्द गर्नेबारे परामर्श गरेको स्रोतले जनाएको छ ।

बैठकले कोरोना संक्रमणको महामारीविरुद्ध लड्न र संक्रमण भएको खण्डमा उपचार तथा अन्य उपकरण तथा औषधीजन्य सामग्री सहज गर्न केन्द्रीय राहत कोष बनाएको छ । उक्त कोषमा सुरुमा सरकारको तर्फबाट ५० करोड रुपैयाँ राख्ने निर्णय मन्त्रिपरिषदले गरेको छ ।

कोष बिस्तार गर्न प्रधानमन्त्री र मन्त्रीहरुले एक महिनाको तलब जम्मा गर्न सहमत भएका छन् । कोष विस्तारका लागि सरकारले सार्वजनिक अपिल पनि गरेको छ ।

प्रकाशित मिति: आइतबार, चैत ९, २०७६ २१:३९