आइतबार नेपालगञ्जमा किसानको जुलुस प्रदर्शन

समाचार

गृहपृष्ठ
समाचार
आइतबार नेपालगञ्जमा किसानको जुलुस प्रदर्शन

आइतबार नेपालगञ्जमा किसानको जुलुस प्रदर्शन

शनिबार, कात्तिक २२, २०८२ बागेश्वरी पोस्ट

नेपालगञ्ज । राष्ट्रिय किसान सञ्जाल लुम्बिनी प्रदेशले किसान आन्दोलन कार्यक्रम अन्तर्गत भोलि आइतवार नेपालगञ्जमा जुलुस प्रदर्शन तथा जनसभा गर्दैछ ।

नेपालगञ्जको एसके पेट्रोल पम्पदेखि शुरु हुने विशाल जुलुस प्रदर्शनमा नेपाल किसान महासंघ र अखिल नेपाल किसान महासंंघ तथा किसान सम्बद्ध अन्य विभिन्न संगठनका पदाधिकारी तथा सदस्य तथा आमकिसानहरुको सहभागिता हुने नेपाल किसान महासंघ लुम्बिनी प्रदेशका महामन्त्री महेन्द्र मल्लले जानकारी दिए ।

मल्लका अनुसार, नेपालगञ्जको एसके पेट्रोल पम्म नजिकवाट शुरु हुने जुलुस नेपालगञ्जको परिक्रमापछि धम्बोझी चोकमा पुगेर सभामा परिणत हुनेछ । उक्त सभालाई नेपाल किसान महासंघका केन्द्रीय अध्यक्ष गणेशचन्द्र तिमिल्सिना र अखिल नेपाल किसान महासंघका केन्द्रीय अध्यक्ष एवम् राष्ट्रिय किसान सञ्जालका अध्यक्ष डा. प्रेस दंगालले सम्बोधन गर्नेछन् ।

आन्दोलन कार्यक्रम अन्तर्गत भोलि आइतवार प्रदर्शन गरिने जुलुस र सभाको पूर्व सन्ध्यामा आज शनिवार नेपाली काँग्रेस पार्टी कार्यालयमा आयोजना गरिएको पत्रकार सम्मेलनमा आन्दोलनको आवश्यकता र औचित्यका बारेमा नेपाल किसान महासंघका केन्द्रीय अध्यक्ष तिमिल्सिनाले जानकारी गराएका थिए ।

पत्रकार सम्मेलनमा अध्यक्ष तिमिल्सिनाले किसानहरुले भोग्नु परेका समस्याको निराकरणका लागि १० आन्दोलनको कार्यक्रम अन्तर्गत १० बुँदे माग अघि सारिएको बताए । जस अन्तर्गत किसानका लागि हुने बीमा सम्बन्धि व्यवस्थाको उचित सम्बोधन, सहुलियत दरका कृषि कर्जा अनुदान, कृषि थोक बजारको उचित व्यवस्थापन, कृषि ऐन, समयमा मल, विउको सरल र सहज उप्लव्धता, दुध रकमको भुक्तानी, धान र उखुको समर्थन मूल्यको सरलीकृत व्यवस्था लगायतका माग समेटिएको छ ।

पत्रकार सम्मेलनमा नेपाल किसान महासंघका अध्यक्ष तिमिल्सिना र अखिल नेपाल किसान महासंघका केन्द्रीय सचिव आरती पौडेलले किसानको यो आन्दोलन रहर नभई बाध्यता भएको बताउदै किसानहरु कुनै दल विशेषको पक्षपोषक नभई वर्गिय हितका लागि सधैं लडिरहने बताइन् ।

प्रकाशित मिति: शनिबार, कात्तिक २२, २०८२ २०:३३

प्रतिक्रिया दिनुहोस्