नेपाल प्रहरीको ३३औँ आइजीपीमा दान बहादुर कार्की नियुक्त

समाचार

गृहपृष्ठ
समाचार
नेपाल प्रहरीको ३३औँ आइजीपीमा दान बहादुर कार्की नियुक्त

नेपाल प्रहरीको ३३औँ आइजीपीमा दान बहादुर कार्की नियुक्त

सोमबार, कात्तिक २४, २०८२ बागेश्वरी पोस्ट

काठमाडौँ । सरकारले नेपाल प्रहरीको ३३औँ आइजीपीमा दान बहादुर कार्कीलाई नियुक्त गरेको छ । आज बसेको मन्त्रिपरिषद् बैठकले कार्कीलाई प्रहरी आईजीपी नियुक्त गरेको हो । वर्तमान आईजीपी चन्द्र कुवेर खापुङ ३० वर्षे सेवा अवधि पूरा गरेर कार्तिक २६ मा अवकाशमा जाँदैछन् । खापुङले भदौ १९ बाट प्रहरीको कमाण्ड सम्हालेका थिए ।

आइजीपी हुने प्रतिष्पर्धामा कार्कीसँगै उनका व्याचमेट एआइजीद्वय राजन अधिकारी र डा. मनोज कुमार केसी थिए । एआइजी शिद्धी बिक्रम शाह पनि आईजीपीको दाबेदार थिए । २०८२ वैशाखमा चन्द्र कुवेर खापुङसँगै एआइजीमा बढुवा भएका कार्की वरियता सूचीमा पहिलो नम्बरमा थिए । कार्की २०५४ चैत १८ मा इन्स्पेक्टरबाट प्रहरी सेवामा प्रवेश गरेका थिए । प्रहरी ऐन र नियमावलीमा फेरबदल नभएमा कार्कीले २०८४ चैत १७ सम्म प्रहरी संगठनको नेतृत्व गर्नेछन् ।

जेनजी प्रदर्शनको पहिलो दिन किशोरहरूको ज्यान जाने गरी गोली चलेपछि भोलिपल्ट उनलाई उपत्यका प्रहरी कार्यालयमा पठाइएको थियो । चुनौतीपूर्ण अवस्थामा प्रहरी प्रधान कार्यालयको मानव श्रोत विकास विभाग छाडेर उनी भदौ २४ मा उपत्यका प्रहरी कार्यालयमा हाजिर भएका थिए ।

प्रकाशित मिति: सोमबार, कात्तिक २४, २०८२ २०:३०

प्रतिक्रिया दिनुहोस्