बाँके-बर्दियाका बहिरा युवालाई उद्यमशील बनाउन १५ दिने 'छ्वाली आर्ट' तालिम

समाचार

गृहपृष्ठ
समाचार
बाँके-बर्दियाका बहिरा युवालाई उद्यमशील बनाउन १५ दिने 'छ्वाली आर्ट' तालिम

बाँके-बर्दियाका बहिरा युवालाई उद्यमशील बनाउन १५ दिने 'छ्वाली आर्ट' तालिम

शुक्रबार, कात्तिक २८, २०८२ बागेश्वरी पोस्ट

नेपालगञ्ज । बहिरा युवालाई उद्यमशील बनाउन १५ दिने छ्वाली आर्ट (हस्तकला) तालिम दिन सुरु गरिएको छ । बाँके र बर्दियाका बहिरा युवा सहभागी तालिम कृषि व्यवसाय प्रबद्र्धन तथा तालिम केन्द्र खजुरा बाँकेमा सुरु भएको भएको हो । तालिमको खजुरा गाउँपालिकाका अध्यक्ष डम्बर बहादुर विकले उद्घाटन गरे । राष्ट्रिय बहिरा महासंघ नेपालको आयोजना एवम् नेपाल पर्यटन बोर्ड र संयुक्त राष्ट्रसंघीय विकास कार्यक्रम (युएनडिपी) संगको सहकार्यमा तालिम सुरु भएको हो ।

गहुँबाली भित्र्याएपछि गाईबस्तुका लागि जोहो गरी राखिने छ्वालीबाट बनाइने कलाकृतिलाई छ्वाली आर्ट (हस्तकला) भनिन्छ । तालिम उद्घाटन कार्यक्रममा बोल्दै खजुरा गाउँपालिका अध्यक्ष विकले बहिरा युवाहरुले तालिम सिकेर भोलिका दिनमा उत्पादन गर्ने छ्वाली आर्ट (हस्तकला) का सामग्री प्रयोग गर्ने प्रतिबद्धता जनाए । उनले सीप सिकेर आत्मनिर्भर बन्न सहयोग पुग्ने बताए । नेपाल पत्रकार महासंघ बाँकेका अध्यक्ष नवीन गिरीले जीवनोपयोगी सीपमूलक तालिमले फरक र विशेष क्षमता भएकाहरुको आत्मनिर्भरतामा टेवा पुग्ने विश्वास ब्यक्त गरे । गिरीले उत्पादित सामग्रीको बजारीकरणमा मिडियाको साथ रहने बताए ।

May be an image of one or more people, people studying and text that says 'INDENS T जहिरा मरिकको अधिकार समावेशी दिगो पर्ंटन विकासको आघार पाहिरा युवाहरुका लागी छयवाली आर्ट) हस्तकला तालिम निति 20C2 கාஙக र्खात जतेઢे द્ેસ २०८२ मसिर (व्साय पटटुंत सहयोग तथा तालिम केब्द्ूर सजरा बाके सम्म I'

राष्ट्रिय बहिरा महासंघ नेपालका अध्यक्ष सन्तोष केसीले कृषिमा खेर गइरहेका बस्तुहरुको सदुपयोग गरेर सीप प्रबद्र्धन गर्दै बहिरा युवाहरुको आयआर्जनमा टेवा पुर्याउने उद्देश्यले तालिम आयोजना गरिएको बताए । उनले छ्वाली आर्टको विदेशमा उच्च माग रहेको समेत बताए । केसीले बाँके राष्ट्रिय निकुञ्ज र बर्दिया राष्ट्रिय निकुञ्जको पर्यटन प्रबद्धनार्थ प्रचारप्रसार गर्ने उद्देश्य पनि रहेको बताए । आगामी दिनमा सातै प्रदेशमा यस प्रकारको तालिम सञ्चालन गर्ने लक्ष्य रहेको केसीको भनाई छ । अध्यक्ष केसीले महासंघले काठमाडौंमा ट्रेकिङ गाइड र बरिस्ठा (कफी बनाउने) तालिम भइरहेको पनि जानकारी दिए ।

कार्यक्रममा खजुरा गाउँपालिका वडा नम्बर ४ का वडा अध्यक्ष टेक बहादुर रोका क्षेत्री, कृषि व्यवसाय प्रबद्र्धन तथा तालिम केन्द्र खजुरा बाँकेका प्रमुख श्रीधर ज्ञवालीले पनि तालिम सफलताको शुभकामना ब्यक्त गरे । तालिमका प्रमुख प्रशिक्षक गगनतारा हस्तकलाका प्रमुख सिताराम गोसाइँले तालिमका बारेमा जानकारी दिएका थिए । त्यसक्रममा दोभाषेद्वय प्रकाश महर्जन र विश्वास अधिकारीले सहजीकरण गरेका थिए ।

May be an image of one or more people and table