नवयुवाहरुको आवरणमा देशमा विध्वंश मच्याइयोः एमाले महासचिव पोखरेल

राजनीति

गृहपृष्ठ
राजनीति
नवयुवाहरुको आवरणमा देशमा विध्वंश मच्याइयोः एमाले महासचिव पोखरेल

नवयुवाहरुको आवरणमा देशमा विध्वंश मच्याइयोः एमाले महासचिव पोखरेल

शनिबार, कात्तिक २९, २०८२ बागेश्वरी पोस्ट

नेपालगञ्ज । नेकपा एमालेका महासचिव शङ्कर पोखरेलले शान्तिपूर्ण आन्दोलनलाई हिंसामा बदल्ने काम नवयुवाहरुले गर्नै नसक्ने बताएका छन् । नेकपा एमाले बाँके जिल्ला कमिटीको आयोजनामा आज नेपालगञ्जमा भएको जनप्रदर्शन तथा जनसभालाई सम्बोधन गर्दै महासचिव पोखरेलले गत भदौ २४ गते मच्याइएको विध्वंशमा सहभागी भएकाहरुको पहिचान गरी दण्डित गर्नुपर्ने बताए ।

उक्त विध्वंश नवयुवाहरुको आवरणमा गरिएको पोखरेलको भनाई छ । महासचिव पोखरेलले भ्रष्टाचार अन्त्य र सामाजिक सञ्जाल निर्वाध सञ्चालनको पक्षमा थालिएको शान्तिपूर्ण जेनजी आन्दोलनमा मानव ढाल बनाएर विध्वंश मच्चाइएको बताए । उनले वर्तमान सरकारले चुनाव हुने वातावरण नै नबनाएको आरोप लगाए । चुनाव हुने वातावरण बने एमाले चुनावदेखि नभाग्ने भन्दै उनले भदौ २३ र २४ गतेको घटनाका दोषीलाई कारबाही, प्रहरीबाट लुटिएका हतियार फिर्ता र भागेका कैदीबन्दी पक्राउ नगर्दासम्म चुनावको वातावरण नबन्ने पोखरेलको जिकिर छ ।

उनले अहिलेको सरकार षड्यन्त्रको मतियार बनेको आरोप समेत लगाए । "तर, एमाले सबै षड्यन्त्रलाई परास्त गरेर अघि बढ्छ," उनले भने । एमाले बाँकेका अध्यक्ष निरक गुरुङको अध्यक्षतामा भएको जनसभालाई पोलिटब्युरो सदस्य शान्ता चौधरी, केन्द्रिय सदस्यहरु शान्ति ढकाल, सूर्य ढकाल, मोहम्मद हारुन, दिपा शर्मा, एमाले बाँके उपाध्यक्ष रत्न खत्री लगायतले सम्बोधन गरेका थिए । जनसभा अघि नगरमा विशाल र्याली निकालिएको थियो ।

May be an image of one or more people, temple and text that says 'दकिषणपन्यी अवसरवाद संगठनात्मक अराजकतालाई पराजित गरीं। जवजको मार्गदर्शनमा समाजवादको आघार निर्माण गरो जनप्रदर्शन तथा जनसभा मिति: २०८२ कार्तिक ते, तेनो नेदिधगन्ज गन्ज आयोनक नेकपा (एमाले| कशि्टी' May be an image of one or more people and text that says '불에 पाक রররজী ey जनप्र्शन मागद्सनिमा सम্ाবकदको मायार नিमায় तथा थ