तनावको सामना गर्ने उपायका बारेमा मन्थन

समाचार

गृहपृष्ठ
समाचार
तनावको सामना गर्ने उपायका बारेमा मन्थन

तनावको सामना गर्ने उपायका बारेमा मन्थन

मंगलबार, मंसिर १६, २०८२ बागेश्वरी पोस्ट

नेपालगञ्ज । तनावको सामना गर्ने उपायहरुका बारेमा नेपालगञ्जमा मन्थन गरिएको छ । सिविनको आयोजनामा मनोचिकित्सा नर्स सुशिला श्रेष्ठले विभिन्न क्षेत्रका ब्यक्तिहरुसंग तनावको सामना कसरी गर्ने भन्ने विषयमा मन्थन गरेकी हुन् । तनावले दिमागमा उत्पन्न गर्ने रसायनले नकारात्मकता प्रबद्र्धन गर्न सहयोग पुग्ने भएकोले बेलैमा तनाव ब्यवस्थापन जरुरी रहेको श्रेष्ठले बताइन् । अन्तरक्रियात्मक शैलीमा गरिएको मन्थनमा श्रेष्ठले कहिलेकाँही तनावपूर्ण घटनाको परिणामले विचार, भावना र ब्यवहारको नकारात्मक चक्र सिर्जना गर्ने उल्लेख गरिन् ।

तनावले डिप्रेशनको बाटो तय गर्ने जोखिम बढी हुने हुँदा लामो समयसम्म तनाब बसिरहनु हितकर नहुने भन्दै मनोचिकित्सा नर्स श्रेष्ठले आफ्नो मन मिल्ने साथीभाईसंग कुराकानी शेयर गर्दा ५० प्रतिशत तनाव कम भएर जाने अध्ययनले देखाएको बताइन् । उनले बालबालिकामा देखिने मानसिक समस्या केन्द्रित उपचार र परामर्श कान्ति बाल अस्पताल काठमाडौं र किशोरकिशोरीको लगनखेलमा हुँदै आएको जानकारी समेत दिइन् । सिविन नेपालगञ्जका प्रमुख सिद्धराज पनेरुले अधिकारकर्मी, कानुन ब्यवसायी, पत्रकार लगायतको उपस्थितिमा कार्यक्रम सम्पन्न गरिएको जानकारी दिए ।

प्रकाशित मिति: मंगलबार, मंसिर १६, २०८२ १९:५०

प्रतिक्रिया दिनुहोस्