कोरोना भाइरसका कारण ज्यान गुमाउनेको संख्या १६ हजार ५ सय बढी

समाचार

गृहपृष्ठ
समाचार
कोरोना भाइरसका कारण ज्यान गुमाउनेको संख्या १६ हजार ५ सय बढी

कोरोना भाइरसका कारण ज्यान गुमाउनेको संख्या १६ हजार ५ सय बढी

मंगलबार, चैत ११, २०७६ बागेश्वरी पोस्ट

फाइल तस्बिर

काठमाडौं । कोरोना भाइरस (कोभिड–१९) बाट ज्यान गुमाउनेको संख्या संसारभर १६ हजार ५ सय नाघेको छ । पछिल्ला केही दिनदेखि मृतकको संख्या तीव्र गतिमा बढेको छ ।

१९५ देशमा फैलिइसकेको यो रोगबाट सबैभन्दा बढी इटालीमा ६ हजार ७७ जनाको मृत्यु भएको छ । इटालीमा ६३ हजार ९२७ जना संक्रमित छन् ।

चीनको वुहानबाट डिसेम्बर अन्तिमबाट फैलिन थालेको कोरोनाबाट चीनमा ३२ सय ७० को ज्यान गएको छ । चीनमा ८१ हजार ९३ संक्रमित हुँदा ७२ हजार ७०३ जना निको भैसकेका छन् । चीनमा नियन्त्रण नजिक पुगेको छ ।

त्यस्तै स्पेनमा २३ सय ११ जनाको मृत्यु भएको छ । ३५ हजार १३६ जना संक्रमित छन् ।

इरानमा १८१२, फ्रान्समा ८६० तथा अमेरिकामा ५५२ जनाको ज्यान गएको छ । अमेरिकामा ४७ हजार ७१८ संक्रमित छन् । सोमबार मात्रै १० हजार १५२ जना नयाँ संक्रमित थपिएका छन् । १३९ जनाको सोमबार मात्रै ज्यान गयो ।

जर्मनीमा १२३, दक्षिण कोरियामा १११, बेलायतमा ३३५ जनाको ज्यान गएको छ । नेदरल्याण्डमा २१३, स्वीटजरल्याण्डमा १२०, बेल्जियममा ८८ जनाको ज्यान गएको छ । जापानमा ४२ जनाको ज्यान गएको छ ।

दक्षिण एसियामा भारतमा सबैभन्दा बढी १० जनाको ज्यान गएके छ । ४९९ जना संक्रमित भएका छन् । पाकिस्तानमा ६ जनाको ज्यान गएको छ ।

८७५ जना संक्रमित भएका छन् । बंगलादेशमा ३३ जना संक्रमित भएका छन् । ३ जनाको ज्यान गएको छ । श्रीलंकामा ९७ संक्रमित छन् । अफगानिस्तानमा ४० संक्रमित हुँदा १ जनाको ज्यान गएको छ ।

माल्दिभ्समा १३ जना संक्रमित भएका छन् । नेपाल र भुटानमा समान २–२ जना संक्रमित भएका छन् । अहिलेसम्म ३ लाख ७९ हजार संक्रमित भएका छन् । जसमा १ लाख १ हजार बढी संक्रमितहरु पूर्ण निको भएका छन् ।

हाल २ लाख ६० हजार ६ सय भन्दा बढी संक्रमित रहेकामा १२ हजार २ सय ३८ को अवस्था गम्भीर रहेको छ । जुन ५ प्रतिशत हो ।श्रोत: हाम्राकुरा।

प्रकाशित मिति: मंगलबार, चैत ११, २०७६ ०७:४७

प्रतिक्रिया दिनुहोस्