बाँकेमा क्षेत्रीय कार्यसमितिबाट जिल्लामा कांग्रेस उम्मेदवार सिफारिस

राजनीति

गृहपृष्ठ
राजनीति
बाँकेमा क्षेत्रीय कार्यसमितिबाट जिल्लामा कांग्रेस उम्मेदवार सिफारिस

बाँकेमा क्षेत्रीय कार्यसमितिबाट जिल्लामा कांग्रेस उम्मेदवार सिफारिस

बुधबार, मंसिर २४, २०८२ बागेश्वरी पोस्ट

नेपालगन्ज । नेपाली कांग्रेसका विभिन्न जिल्लामा आगामी प्रतिनिधि सभा सदस्य निर्वाचनका लागि नाम सिफारिस गर्ने प्रक्रिया तीव्र बनेको छ । बाँके क्षेत्र नम्बर १, क्षेत्र नम्बर २ र क्षेत्र नम्बर ३ ले आफ्ना–आफ्ना क्षेत्रमा प्रतिष्पर्धाका लागि आकांक्षी नेताको नाम जिल्ला कार्यसमितिमा सिफारिस गरेका छन् ।

बाँके क्षेत्र नम्बर १ बाट प्रत्यक्षतर्फ ६ जनाको नाम सिफारिस गरिएको छ । नेपाली कांग्रेस बाँके क्षेत्र नम्बर १ ले प्रतिनिधि सभा सदस्यका लागि ६ जना नेताको नाम सिफारिस गरी जिल्ला समितिमा पठाएको छ । जिल्ला सभापति नारायण प्रसाद गौडेल, उपसभापति कृष्ण कार्की, क्षेत्रीय सभापति पोषण केसी, निवर्तमान सभापति माधव राम खत्री, कांग्रेस लुम्बिनी प्रदेश सल्लाहकार हुर्मत न्यौपाने र नेतृ मिना सिग्देलको नाम सिफारिस भएको छ ।

बाँके क्षेत्र नम्बर २ बाट पनि ६ जनाको नाम सिफारिस गरेर जिल्ला कार्यसमितिमा पठाइएको बताइएको छ । पूर्व जिल्ला सभापति तथा पूर्व मन्त्री गजेन्द्र हमाल, अघिल्लो निर्वाचनका उम्मेदवार सुदिप नरसिंह राना, निवर्तमान लुम्बिनी प्रदेश सभा सदस्य मो. याकुव अन्सारी, जिल्ला सचिव सुधांशु कोइराला, क्षेत्रीय सभापति रमेश गुप्ता र नेतृ लिलावती यादवको नाम पठाइएको छ ।

क्षेत्र नम्बर ३ बाट ८ जनाको नाम सिफारिस गरिएको छ । सहमहामन्त्रीदेखि महाधिवेशन प्रतिनिधिसम्मको सूची रहेको छ । अघिल्लो निर्वाचनमा प्रतिनिधिसभा सदस्य जितेका सहमहामन्त्री किशोरसिंह राठौर, निवर्तमान प्रतिनिधि सभा सदस्य आशा विक, महासमिति सदस्यहरु लक्ष्मी नारायण शाह, मेघराज वली, टेकबहादुर खड्का, देवराज खत्री, महाधिवेशन प्रतिनिधि कृष्ण विक रसाइली र पूर्व क्षेत्रीय सभापति महेन्द्र मल्ल ठकुरीको नाम सिफारिस गरिएको छ । यस्तै प्रतिनिधिसभातर्फ समानुपातिक र राष्ट्रिय सभा सदस्यका लागि पनि विभिन्न नेताहरुको नाम सिफारिस गरिएको छ ।

अब जिल्ला कार्यसमितिले प्रदेशमा आकांक्षी उम्मेदवारहरुको नाम पठाउने जिल्ला सचिव कोइरालाले बताए । क्षेत्र नम्बर ३ ले भने जिल्लामा सिफारिस पठाइसकेको छैन ।

प्रकाशित मिति: बुधबार, मंसिर २४, २०८२ ११:५९

प्रतिक्रिया दिनुहोस्