नेपाली कम्युनिष्ट पार्टीप्रति जनताको आकर्षण देखिएको छः माधव नेपाल

राजनीति

गृहपृष्ठ
राजनीति
नेपाली कम्युनिष्ट पार्टीप्रति जनताको आकर्षण देखिएको छः माधव नेपाल

नेपाली कम्युनिष्ट पार्टीप्रति जनताको आकर्षण देखिएको छः माधव नेपाल

बिहीबार, मंसिर २५, २०८२ बागेश्वरी पोस्ट

नेपालगञ्ज । नेपाली कम्युनिष्ट पार्टीका सहसंयोजक माधव कुमार नेपालले पार्टीलाई जागृत गर्न जनताको घरदैलोमा पुगिरहेको बताएका छन् । नेपालगञ्जमा आज आयोजित नेपाली कम्युनिष्ट पार्टी बाँके जिल्ला स्तरीय एकता सन्देश सभालाई सम्बोधन गर्दै पूर्व प्रधानमन्त्री समेत रहेका नेपालले जनताको भावनासंग साक्षात्कार गर्न जनताको घरदैलोमा पुगिरहेको बताए । उनले बदलिँदो परिस्थितिमा सही नीति लिएर नयाँ विश्वास जगाउन अघि बढेको बताए । नेपालले अहिलेसम्म १६ कम्युनिष्ट दल एकीकृत भएर बनेको नेपाली कम्युनिष्ट पार्टीप्रति जनताको आकर्षण देखिएको दाबी गरे ।

May be an image of one or more people, temple and text

पार्टीले समाजबादी सिद्धान्त बोकेर आफूलाई अघि बढाएको नेपालको भनाई छ । उनले नेपाली कम्युनिष्ट पाटी सबै बर्ग, लिंग, समुदाय, नवयुवा पुस्ता समेतको पार्टी रहेको भन्दै जनताले चुनावमार्फत अनुमोदन गर्ने बताए । नेपालले नयाँ नेपाल निर्माणको संकल्पका साथ पार्टी निर्माण गर्दै आगामी फागुन २१ गते हुने निर्वाचनमा जनताको बहुमत लिएर अघि बढ्ने उद्घोष गरे । एकता सन्देश सभालाई केन्द्रिय कमिटी सदस्यहरु शक्ति बहादुर बस्नेत, अञ्जना चौधरी लगायतले सम्बोधन गरेका थिए ।

May be an image of one or more people, crowd and text