रिएक्टिव नभई प्रोएक्टिब पोलिटिक्स गर्ने गतिशील लोकतान्त्रिक पार्टीको नीति

राजनीति

गृहपृष्ठ
राजनीति
रिएक्टिव नभई प्रोएक्टिब पोलिटिक्स गर्ने गतिशील लोकतान्त्रिक पार्टीको नीति

रिएक्टिव नभई प्रोएक्टिब पोलिटिक्स गर्ने गतिशील लोकतान्त्रिक पार्टीको नीति

बिहीबार, पुस ३, २०८२ बागेश्वरी पोस्ट

नेपालगञ्ज । गतिशील लोकतान्त्रिक पार्टी (गलोपा) ले रिएक्टिव नभई प्रोएक्टिब पोलिटिक्स गर्ने आफ्नो नीति रहेको बताएको छ । नेपालगञ्जमा आज साँझ आयोजित एक कार्यक्रममा उक्त पार्टीले समाधानमुखी राजनीति गर्ने बताएको छ । अरु कुनै पार्टीप्रति औंला ठड्याउनु भन्दा आफूले के गर्ने भन्नेमा पार्टी स्पष्ट रहेको अध्यक्ष दिनेश प्रसाईंले बताए । प्रसाईंले अबको नेपालमा एउटा नियमसंगत राजनीतिक संस्कारलाई विकास गरी स्थापित गर्न जरुरी रहेको बताए ।

केन्द्रिय सदस्य विरेन्द्र बहादुर बस्नेतले समस्या देखाउने मात्र नभई समाधानको सूत्रसहित आफ्नो पार्टी अघि बढ्ने बताए । उनले कृषि, पर्यटन, जलस्रोत र उद्योगमा उद्यमशिलता र रोजगारी प्रबद्र्धन गर्ने गरी काम गर्ने योजना पार्टीले बनाएको सुनाए ।

अर्का केन्द्रिय सदस्य रामचन्द्र खनालले उदारबाद र समाजवादको मझधारबाट पार्टीलाई अघि बढाउने पार्टीको आर्थिक नीति रहेको सुनाए । उनले पार्टी जीवनमा एक जना सदस्य १६ बर्षसम्म मात्र क्रियाशील भई संलग्न हुन पाउने प्रावधान राख्न लागेको जानकारी दिए । उनले दलहरुमा आन्तरिक सुशासन निकै कमजोर रहेको टिप्पणी समेत गरे । कार्यक्रममा विभिन्न क्षेत्रका ब्यक्तिहरुको उपस्थिति थियो ।

प्रकाशित मिति: बिहीबार, पुस ३, २०८२ २१:२८

प्रतिक्रिया दिनुहोस्