नेपाल रेडक्रस सोसाइटीको विधान संशोधन सुझाव संकलन कार्यशाला सम्पन्न

समाचार

गृहपृष्ठ
समाचार
नेपाल रेडक्रस सोसाइटीको विधान संशोधन सुझाव संकलन कार्यशाला सम्पन्न

नेपाल रेडक्रस सोसाइटीको विधान संशोधन सुझाव संकलन कार्यशाला सम्पन्न

सोमबार, पुस ७, २०८२ बागेश्वरी पोस्ट

नेपालगञ्ज । नेपाल रेडक्रस सोसाइटीको विधान संशोधनका लागि सुझाव संकलन कार्यशाला नेपालगञ्जमा सम्पन्न भएको छ । प्रस्तावित विधानमाथि दफावार छलफल भएको थियो । ७ वटै प्रदेश स्तरीय कार्यशालाबाट प्राप्त सुझावलाई समेटी आगामी पौष २५ गते हुने विधान महाधिवेशनबाट पारित हुने नेपाल रेडक्रस सोसाइटीका महामन्त्री मीनबहादुर मल्लले बताए । कार्यशालाका सहभागीहरुले रेडक्रसको कार्यकाल चार वर्ष हुनुपर्ने, पालिका शाखा गठन हुनुपर्ने, निर्वाचन, युवा र रेडक्रस सेवा आयोगको व्यवस्था गर्नुपर्ने, अनुपालन तथा मध्यस्थता समितिको व्यवस्था रहनुपर्ने लगायतका सुझावहरु दिएका छन् ।
उक्त कार्यशालामा लुम्बिनी, कर्णाली र सुदूरपश्चिम प्रदेश अन्तर्गतका ३१ जिल्ला शाखाका प्रतिनिधिहरुको सहभागिता रहेको थियो ।

३ वटै प्रदेशका प्रतिनिधिहरुबाट प्रस्तुत सुझावलाई ग्रहण गर्ने बताउँदै महामन्त्री मल्लले यस्तो प्रकारको कार्यशाला सबै प्रदेशमा आयोजना हुने जानकारी गराए । नेपाल रेडक्रस सोसाइटी केन्द्रीय कार्यसमितिका कोषाध्यक्ष लोकदर्शन श्रेष्ठले रेडक्रसको अन्तर्राष्ट्रिय मूल्यमान्यता अनुसार विधान संशोधन हुने विश्वस्त रहेको बताए । आतिथ्यता प्रदान गरेको जिल्ला, नेपाल रेडक्रस सोसाइटी बाँकेका सभापति गोवर्धन सिंह सम्झनाको अध्यक्षतामा सम्पन्न कार्यशालामा लुम्बिनी प्रदेशका अध्यक्ष लालप्रसाद पंगेनी, सुदुरपश्चिम प्रदेशका अध्यक्ष दिलबहादुर बुढा र कर्णाली प्रदेशका उपाध्यक्ष अमृता सापकोटाले छलफल भएको सुझाव प्रस्तुत गरेका थिए ।

प्रकाशित मिति: सोमबार, पुस ७, २०८२ २०:२९

प्रतिक्रिया दिनुहोस्