क्रान्तिकारी कम्युनिष्ट पार्टीले फागुन २१ गते हुने निर्वाचन बहिष्कार गर्ने

राजनीति

गृहपृष्ठ
राजनीति
क्रान्तिकारी कम्युनिष्ट पार्टीले फागुन २१ गते हुने निर्वाचन बहिष्कार गर्ने

क्रान्तिकारी कम्युनिष्ट पार्टीले फागुन २१ गते हुने निर्वाचन बहिष्कार गर्ने

सोमबार, पुस ७, २०८२ बागेश्वरी पोस्ट

नेपालगञ्ज । क्रान्तिकारी कम्युनिष्ट पार्टी नेपालले फागुन २१ गते हुने निर्वाचन बहिष्कार गर्ने भएको छ । पार्टीको गत मंसिर १६ र १७ गते बसेको चौथो पूर्ण बैठकले निर्वाचन बहिष्कार गर्ने निर्णय गरे बमोजिम निर्वाचन बहिष्कार सम्बन्धि कार्यक्रम सार्वजनिक गरिएको क्रान्तिकारी कम्युनिष्ट पार्टी नेपाल जिल्ला समिति बाँकेले आज नेपालगञ्जमा पत्रकार सम्मेलन गरी जानकारी गराएको छ ।

पार्टीका पोलिटव्युरो सदस्य तथा ३ नम्बर (भेरी-कर्णाली) व्युरो सेक्रेटरी दिपक शाहीले केन्द्रिय निर्देशन बमोजिम संसदीय निर्वाचन बहिष्कारको कार्यक्रमलाई अघि बढाइएको बताए । उनका अनुसार भित्तेलेखनदेखि मोटरसाइकल र्यालीसम्मका कार्यक्रम तय भएका छन् । त्यसका अतिरिक्त कोणसभा गर्ने, जनसभा गर्ने, पर्चा वितरण गर्ने, निर्वाचन बहिष्कारको पक्षमा बक्तब्य दिने, मसाल जुलुस निकाल्ने लगायतका कार्यक्रम तय भएको शाहीले जानकारी दिए ।

संसदीय निर्वाचन बहिष्कारको मूल नारा "साम्राज्यबादद्वारा प्रायोजित संसदीय निर्वाचन बहिष्कार गरौं, स्वाधीन संयुक्त सरकार गठन गरौं" भन्ने रहेको छ । शाहीले 'प्रतिगामी सरकार' ले गर्न लागेको निर्वाचनलाई बहिष्कार गर्ने निर्णयमा पुगेको बताए । अहिलेको सरकार असंवैधानिक रहेको उनको जिकिर छ ।

May be an image of ticket stub and text