नेपाल स्वास्थ्यकर्मी संघमा बाँकेबाट २ पदाधिकारीसहित ६ जना निर्वाचित

स्वास्थ्य

गृहपृष्ठ
स्वास्थ्य
नेपाल स्वास्थ्यकर्मी संघमा बाँकेबाट २ पदाधिकारीसहित ६ जना निर्वाचित

नेपाल स्वास्थ्यकर्मी संघमा बाँकेबाट २ पदाधिकारीसहित ६ जना निर्वाचित

शुक्रबार, पुस ११, २०८२ बागेश्वरी पोस्ट

नेपालगञ्ज । नेपाल स्वास्थ्यकर्मी संघको ८औं केन्द्रीय महाधिवेशनबाट अध्यक्षमा दिपकराज भट्टसहित बाँकेका दुई जना केन्द्रीय पदाधिकारीमा निर्वाचित भएका छन् ।

बुटवलमा बिहीबार सम्पन्न नेपाल स्वास्थ्यकर्मी संघको ८औं महाधिवेशनमा सबै निर्विरोध निर्वाचित भएको नेपाल स्वास्थ्यकर्मी संघ बाँकेका अध्यक्ष जागेश्वर बस्नेतले जानकारी दिए् । अध्यक्ष बस्नेतका अनुसार बाँकेबाट उपमहासचिवमा एक,सचिवमा एक र केन्द्रीय सदस्यमा ४ जना निर्वाचित हुँदा बर्दियाबाट उपाध्यक्षमा एक जना निर्वाचित भएका हुन् ।

बाँकेबाट उपमहासचिवमा निर्वाचित हुनेमा अनिल सेन ठकुरी, सचिवमा गोरखनाथ योगी रहेका छन् भने केन्द्रीय सदस्यहरुमा होमनाथ सुवेदी ,सीताराम चौधरी, लोकप्रकाश रोकाय र गजेन्द्र शाही निर्वाचित भएका हुन् । त्यसैगरी उपाध्यक्षमा निर्वाचित हुने बर्दियाका हरिहर तिवारी रहेका छन् ।