रौतहटको रक्सी फ्याक्ट्रीमा विष्फोट, एक जनाको मृत्यु, ६ कामदार घाइते

समाचार

गृहपृष्ठ
समाचार
रौतहटको रक्सी फ्याक्ट्रीमा विष्फोट, एक जनाको मृत्यु, ६ कामदार घाइते

रौतहटको रक्सी फ्याक्ट्रीमा विष्फोट, एक जनाको मृत्यु, ६ कामदार घाइते

शनिबार, पुस १२, २०८२ बागेश्वरी पोस्ट

रौतहट । मधेस प्रदेशस्थित रौतहट जिल्लाको मदिरा (रक्सी) उत्पादन गर्ने उद्योगमा (फ्याक्ट्री) विष्फोट भएको छ । आज बिहान कटहरीया नगरपालिका-९ स्थित ज्योती डिस्टीलरी उद्योगमा विष्फोटमा परेर एक जनाको मृत्यु भएको प्रहरीले जानकारी दिएको छ । रौतहट प्रहरीका अनुसार विष्फोटमा परेर ६ जना कामदार घाइते भएका छन् ।

रौतहट प्रहरीले दिएको जानकारी अनुसार विष्फोटमा परेर लक्ष्मण राय यादवको घटनास्थलमै मृत्यु भएको हो भने विष्फोटमा घाइते हुनेहरुमा रहमत मियाँ, बलिराम राय, प्रेमजित राय, कैलाश माली, जगदिश राय र बिगन राय रहेका छन् ।

विष्फोटमा घटनामा घाइते भएकाहरुको अवस्था गम्भीर रहेको बताइएको छ भने उनीहरूलाई उपचारका लागि वीरगञ्ज लगिएको प्रहरीले जानकारी दिएको छ ।

रौतहट प्रहरीका अनुसार डिस्टीलरीको बोइलर विष्फोट भएको बताइएको छ भने घटनाबारे प्रहरीले अनुसन्धान अगाडि बढाइएको छ ।

प्रकाशित मिति: शनिबार, पुस १२, २०८२ ११:५४

प्रतिक्रिया दिनुहोस्