भारतबाट फर्केका करिब ४० जना नेपाली रुपैडिहामा अलपत्र

समाचार

गृहपृष्ठ
समाचार
भारतबाट फर्केका करिब ४० जना नेपाली रुपैडिहामा अलपत्र

भारतबाट फर्केका करिब ४० जना नेपाली रुपैडिहामा अलपत्र

मंगलबार, चैत ११, २०७६ बागेश्वरी पोस्ट

नेपालगञ्ज । भारतबाट फर्केका नेपाली आज पनि बाँकेको नेपालगञ्जस्थित जमुनाहा नाकाको पारी भारतीय सीमा क्षेत्र रुपैडिहामा अलपत्र परेका छन् ।

नेपालगञ्जस्थित नेपाल–भारत सीमा नाका पूर्णरुपमा बन्द भएपछि उनीहरु सीमा प्रवेश हुन नपाएर अलपत्र परेका हुन् । करिब ४० जना जति नेपालीहरु दशगजा नजिकै भारतीय क्षेत्रमा आएर बसेको इलाका प्रहरी कार्यालय जमुनाहाका इन्चार्ज एवम् प्रहरी नायव निरीक्षक माधव रिजालका बताउनुभयो ।

उनीहरु गएरातिदेखि रुपैडिहा आएका थिए । बाँकेका प्रमुख जिल्ला अधिकारी कुमारबहादुर खड्काले आज सिमापारी रुपैडिहाबाट कसैलाई पनि नेपाल प्रवेश गर्न नदिएको बताउनुभयो ।

उहाँले सीमानाकामा अलपत्र परेकालाई के गर्न सकिन्छ भन्ने विषयमा आफूहरु अहिले छलफलमै रहेको बताउनुभयो ।

प्रकाशित मिति: मंगलबार, चैत ११, २०७६ १७:०२

प्रतिक्रिया दिनुहोस्